ايگۇل ەلشىباەۆا قۇرالاي حانىمعا تاعى دا شۇيلىكتى. نارتاي ارالبايۇلىنا بەرگەن سۇحباتىندا قۇرالاي حانىم ءوز وقىرماندارىنا دۇعانىڭ ورنىنا دۋا جاتتاتىپ، تۋرا جولدان تايدىرىپ جۇرگەندىگىن ايتتى، دەپ حابارلايدى “ادىرنا” ۇلتتىق پورتالى.
ايگۇل ەلشىباەۆا قۇرالاي حانىمنىڭ ساباعىنان وتكەندەر بۋدديزم مەن يندۋيزم جورالعىلارىن ورىنداپ، كوماعا تۇسكەن، ءتىپتى كوز جۇمعاندارى دا بار دەيدى.
«دۇعا دەپ دۋا جاتتاتىپ جۇرگەندەرمەن قازىر ارالاسپايمىن. قۇرالاي حانىممەن 2-3 جىل قىرىلدىم. كارانتين ۋاقىتى سونىمەن ءوتتى. ونىڭ ساباعىنا قاتىسىپ جۇرگەن قىزدارعا و باستا:
«جاتتاماڭدار، جىندانىپ كەتەسىڭدەر»، دەپ ەسكەرتتىم. 6 ايدان كەيىن بىرەۋى جىندانىپ، بىرەۋى كوماعا ءتۇسىپ، ءولىپ قالدى، ماعان شەشەلەرى جازدى. ولگەن كەزدە باستارىنان قۇرالايدىڭ دۇنيەلەرى شىقتى، دەدى.
ويناماڭدار، دۋا مەن دۇعانى اجىراتىپ الىڭدار، دەدىم. «بىرەۋدىڭ ۇيىنەن تاس الىپ كەلىپ وقىساڭ بايسىڭ»، دەيدى. قازىر ەكونوميكالىق داعدارىستا وتىرمىز. جاعدايى ناشار ادامدار تەز بايىپ كەتۋ ءۇشىن، بىرەۋ نەسيەدەن قۇتىلۋ ءۇشىن سولاردىڭ وتىرىگىنە سەنىپ وتىرا بەرگەن.
«اڭقاۋ ەلگە ارامزا مولدا» دەگەن. نە دىننەن حابارى، نە پسيحولوگيادان حابارى جوق. دۇعا دەپ دۋا جاتتاتىپ جاتساڭدار، ول ادام ءوىپ جاتسا، سەندەر مىستانسىڭدار، دەدىم.
پايعامبارىمىز (س.ع.س): «دۋاعا جولاماڭدار»، — دەگەن. مەن مۇسىلمان بولعاندىقتان، پايعامباردىڭ جولىن ايتۋعا مىندەتتىمىن.
قازاقتىڭ قىزدارىنا ءبۋدديزمنىڭ «مانتراسىن» جاتتاتقىزعان. جاقىندا «سيۋتساي» دەپ شىقتى. ول يندۋيزمنەن شىققان، بۋدديزمگە بارىپ تىرەلەدى. ەندى جۇرتتىڭ ءبارىنىڭ ميىن قاتىرىپ ءجۇر.
ءولىپ قالعانداردىڭ شەشەلەرى ماعان شىقتى. بىراق مەن ونى كوتەرگەن جوقپىن. وزدەرىڭ بارىپ شەشىڭدەر، دەدىم. ويتكەنى ول (قۇرالاي حانىم) التى بالانىڭ اناسى. ونى تۇرمەگە قاماتىپ، التى بالاسىن جىلاتىپ قوياتىن جايىم جوق. ال نەگىزىندە «جەك كورگەن ادامىڭا 40 ينەنى ليمونعا شانشىپ قوي» دەپ ءوزى ايتادى ەكەن. ولگەن قىزداردىڭ باسىنان سول شىققان. مەن ونىڭ نە ەكەنىن بىلمەيمىن، قاراسام، ورىستىڭ مىستاندارىنىڭ دۋاسى ەكەن. سونداي نارسەنى ۇيرەتىپ وتىرعان ادامعا قالاي مەن «دۇرىس» دەپ قول شاپالاقتايمىن؟»، — دەپ مالىمدەدى ەلشىباەۆا.
“ادىرنا” ۇلتتىق پورتالى
