Aıgúl Elshibaeva Quralaı hanymǵa taǵy da shúılikti. Nartaı Aralbaıulyna bergen suhbatynda Quralaı hanym óz oqyrmandaryna duǵanyń ornyna dýa jattatyp, týra joldan taıdyryp júrgendigin aıtty, dep habarlaıdy “Adyrna” ulttyq portaly.
Aıgúl Elshibaeva Quralaı hanymnyń sabaǵynan ótkender býddızm men ındýızm joralǵylaryn oryndap, komaǵa túsken, tipti kóz jumǵandary da bar deıdi.
«Duǵa dep dýa jattatyp júrgendermen qazir aralaspaımyn. Quralaı hanymmen 2-3 jyl qyryldym. Karantın ýaqyty sonymen ótti. Onyń sabaǵyna qatysyp júrgen qyzdarǵa o basta:
«Jattamańdar, jyndanyp ketesińder», dep eskerttim. 6 aıdan keıin bireýi jyndanyp, bireýi komaǵa túsip, ólip qaldy, maǵan shesheleri jazdy. Ólgen kezde bastarynan Quralaıdyń dúnıeleri shyqty, dedi.
Oınamańdar, dýa men duǵany ajyratyp alyńdar, dedim. «Bireýdiń úıinen tas alyp kelip oqysań baıısyń», deıdi. Qazir ekonomıkalyq daǵdarysta otyrmyz. Jaǵdaıy nashar adamdar tez baıyp ketý úshin, bireý nesıeden qutylý úshin solardyń ótirigine senip otyra bergen.
«Ańqaý elge aramza molda» degen. Ne dinnen habary, ne psıhologııadan habary joq. Duǵa dep dýa jattatyp jatsańdar, ol adam óip jatsa, sender mystansyńdar, dedim.
Paıǵambarymyz (s.ǵ.s): «Dýaǵa jolamańdar», — degen. Men musylman bolǵandyqtan, paıǵambardyń jolyn aıtýǵa mindettimin.
Qazaqtyń qyzdaryna býddızmniń «mantrasyn» jattatqyzǵan. Jaqynda «Sıýaı» dep shyqty. Ol ındýızmnen shyqqan, býddızmge baryp tireledi. Endi jurttyń báriniń mıyn qatyryp júr.
Ólip qalǵandardyń shesheleri maǵan shyqty. Biraq men ony kótergen joqpyn. Ózderiń baryp sheshińder, dedim. Óıtkeni ol (Quralaı hanym) alty balanyń anasy. Ony túrmege qamatyp, alty balasyn jylatyp qoıatyn jaıym joq. Al negizinde «jek kórgen adamyńa 40 ıneni lımonǵa shanshyp qoı» dep ózi aıtady eken. Ólgen qyzdardyń basynan sol shyqqan. Men onyń ne ekenin bilmeımin, qarasam, orystyń mystandarynyń dýasy eken. Sondaı nárseni úıretip otyrǵan adamǵa qalaı men «durys» dep qol shapalaqtaımyn?», — dep málimdedi Elshibaeva.
“Adyrna” ulttyq portaly
