Aigül Elşıbaeva Qūralai hanymǧa taǧy da şüilıktı. Nartai Aralbaiūlyna bergen sūhbatynda Qūralai hanym öz oqyrmandaryna dūǧanyŋ ornyna dua jattatyp, tura joldan taidyryp jürgendıgın aitty, dep habarlaidy “Adyrna” ūlttyq portaly.
Aigül Elşıbaeva Qūralai hanymnyŋ sabaǧynan ötkender buddizm men induizm joralǧylaryn oryndap, komaǧa tüsken, tıptı köz jūmǧandary da bar deidı.
«Dūǧa dep dua jattatyp jürgendermen qazır aralaspaimyn. Qūralai hanymmen 2-3 jyl qyryldym. Karantin uaqyty sonymen öttı. Onyŋ sabaǧyna qatysyp jürgen qyzdarǧa o basta: «Jattamaŋdar, jyndanyp ketesıŋder», dep eskerttım. 6 aidan keiın bıreuı jyndanyp, bıreuı komaǧa tüsıp, ölıp qaldy, maǧan şeşelerı jazdy. Ölgen kezde bastarynan Qūralaidyŋ dünielerı şyqty, dedı.Oinamaŋdar, dua men dūǧany ajyratyp alyŋdar, dedım. «Bıreudıŋ üiınen tas alyp kelıp oqysaŋ baiisyŋ», deidı. Qazır ekonomikalyq daǧdarysta otyrmyz. Jaǧdaiy naşar adamdar tez baiyp ketu üşın, bıreu nesieden qūtylu üşın solardyŋ ötırıgıne senıp otyra bergen. «Aŋqau elge aramza molda» degen. Ne dınnen habary, ne psihologiiadan habary joq. Dūǧa dep dua jattatyp jatsaŋdar, ol adam öıp jatsa, sender mystansyŋdar, dedım. Paiǧambarymyz (s.ǧ.s): «Duaǧa jolamaŋdar», — degen. Men mūsylman bolǧandyqtan, paiǧambardyŋ jolyn aituǧa mındettımın.
Qazaqtyŋ qyzdaryna buddizmnıŋ «mantrasyn» jattatqyzǧan. Jaqynda «Siusai» dep şyqty. Ol induizmnen şyqqan, buddizmge baryp tıreledı. Endı jūrttyŋ bärınıŋ miyn qatyryp jür. Ölıp qalǧandardyŋ şeşelerı maǧan şyqty. Bıraq men ony kötergen joqpyn. Özderıŋ baryp şeşıŋder, dedım. Öitkenı ol (Qūralai hanym) alty balanyŋ anasy. Ony türmege qamatyp, alty balasyn jylatyp qoiatyn jaiym joq. Al negızınde «jek körgen adamyŋa 40 inenı limonǧa şanşyp qoi» dep özı aitady eken. Ölgen qyzdardyŋ basynan sol şyqqan. Men onyŋ ne ekenın bılmeimın, qarasam, orystyŋ mystandarynyŋ duasy eken. Sondai närsenı üiretıp otyrǧan adamǧa qalai men «dūrys» dep qol şapalaqtaimyn?», — dep mälımdedı Elşıbaeva.
“Adyrna” ūlttyq portaly
