پاريجدەگى يۋنەسكو-نىڭ شتاب-پاتەرىندە ۇلى كومپوزيتور، ديريجەر، حالىق قاھارمانى نۇرعيسا تىلەنديەۆتىڭ 100 جىلدىق مەرەيتويىنا ارنالعان «شابىت باستاۋى: نۇرعيسا تىلەنديەۆتىڭ مۇراسى» اتتى حالىقارالىق كورمەنىڭ سالتاناتتى اشىلۋى ءوتتى، دەپ حابارلايدى «ادىرنا» ءتىلشىسى.
كورمەگە الماتىداعى مۋزەيلەر بىرلەستىگىنىڭ قورىنان الىنعان 70-كە جۋىق قۇندى جادىگەر قويىلعان. ەكسپوزيتسيادان كومپوزيتوردىڭ قولجازبا پارتيتۋرالارىن، سيرەك كەزدەسەتىن فوتوسۋرەتتەرىن، جەكە پايدالانعان زاتتارىن جانە احمەت جۇبانوۆ تارتۋ ەتكەن اتى اڭىزعا اينالعان «داريعا دومبىرانى» كورۋگە بولادى.
«نۇرعيسا تىلەنديەۆ ءوز حالقىنىڭ رۋحاني جادىنان قۋات الا وتىرىپ، زاماناۋي الەمگە اشىق بولدى. ونىڭ شىعارماشىلىعى ءبىز بارلىق مادەنيەتتەردەن ىزدەيتىن قۇندىلىقتى – ءتۇرلى ەلەمەنتتەردىڭ ۇيلەسىمىن بەينەلەيدى»،—دەدى يۋنەسكو باس ديرەكتورىنىڭ ورىنباسارى ەرنەستو وتتونە.
ايتا كەتەيىك، كورمە 19 ماۋسىمعا دەيىن جالعاسادى.
