قىرعىزستان مەن تۇركىمەنستان پرەزيدەنتتەرى سادىر جاپاروۆ پەن سەردار بەردىمۇحامەدوۆ قازاقستانعا بۇگىن، 2025 جىلدىڭ 17 ماۋسىمىندا كەلدى. بۇل تۋرالى قازاقستان رەسپۋبليكاسى ۇكىمەتىنىڭ ءباسپاسوز قىزمەتى حابارلادى، دەپ حابارلايدى “ادىرنا”.
قىرعىزستان پرەزيدەنتىنىڭ ۇشاعى ەلوردا اۋەجايىنا قوندى. سادىر جاپاروۆ "ورتالىق ازيا-قىتاي" سامميتىنە قاتىسادى.
اعىمداعى جىلدىڭ 4 ايىنىڭ قورىتىندىسى بويىنشا قازاقستان مەن قىرعىزستان اراسىنداعى تاۋار اينالىمى 25,2 پايىزعا ءوسىپ، 435,1 ميلليون دوللاردى قۇرادى.
2024 جىلدىڭ قورىتىندىسى بويىنشا قازاقستان مەن تۇركىمەنستان اراسىنداعى تاۋار اينالىمى 555,7 ميلليون دوللاردى قۇرادى.
پرەزيدەنتتەردى ەلوردا اۋەجايىندا پرەمەر-مينيستر ولجاس بەكتەنوۆ كۇتىپ الدى.
ايتا كەتسەك، 16 ماۋسىمدا قىتاي حالىق رەسپۋبليكاسىنىڭ توراعاسى سي تسزينپين قازاقستانعا ساپارمەن كەلدى. ونى استانا اۋەجايىندا مەملەكەت باسشىسى قاسىم-جومارت توقاەۆ سالتاناتتى تۇردە قارسى الدى. كەيىن كەلىسسوزدەر جۇرگىزىلىپ، ناتيجەسىندە 24 ۇكىمەتارالىق جانە ۆەدومستۆوارالىق قۇجاتقا قول قويىلدى.
