Qyrǧyzstan men Türkımenstan prezidentterı Sadyr Japarov pen Serdar Berdımūhamedov Qazaqstanǧa bügın, 2025 jyldyŋ 17 mausymynda keldı. Būl turaly Qazaqstan Respublikasy ükımetınıŋ baspasöz qyzmetı habarlady, dep habarlaidy “Adyrna”.
Qyrǧyzstan prezidentınıŋ ūşaǧy elorda äuejaiyna qondy. Sadyr Japarov "Ortalyq Aziia-Qytai" sammitıne qatysady.
Aǧymdaǧy jyldyŋ 4 aiynyŋ qorytyndysy boiynşa Qazaqstan men Qyrǧyzstan arasyndaǧy tauar ainalymy 25,2 paiyzǧa ösıp, 435,1 million dollardy qūrady.
2024 jyldyŋ qorytyndysy boiynşa Qazaqstan men Türkımenstan arasyndaǧy tauar ainalymy 555,7 million dollardy qūrady.
Prezidentterdı elorda äuejaiynda Premer-Ministr Oljas Bektenov kütıp aldy.
Aita ketsek, 16 mausymda Qytai Halyq Respublikasynyŋ Töraǧasy Si Szinpin Qazaqstanǧa saparmen keldı. Ony Astana äuejaiynda Memleket basşysy Qasym-Jomart Toqaev saltanatty türde qarsy aldy. Keiın kelıssözder jürgızılıp, nätijesınde 24 ükımetaralyq jäne vedomstvoaralyq qūjatqa qol qoiyldy.
