الاكول: تۋريستەرگە قولايلى جاعداي جاساۋ باعىتىندا جۇيەلى جۇمىستار جۇرگىزىلۋدە

402
Adyrna.kz Telegram
https://www.adyrna.kz/storage/uploads/WJN034xDs2KCbIW6KbEU7sTrPeq2yaCQjuP1JFb1.jpg

الاكول – اباي وبلىسىنىڭ عانا ەمەس، بۇكىل قازاقستاننىڭ تۋريستىك الەۋەتى جوعارى ايماقتارىنىڭ ءبىرى. جاز مەزگىلىندە مىڭداعان دەمالۋشىلاردى باۋراپ الاتىن كوركەم كول جاعالاۋىندا بيىل كوپتەگەن جاڭاشىل جوبالار ىسكە اسىپ جاتىر. ايماق اكىمدىگى مەن ءتيىستى ورگانداردىڭ كەشەندى جۇمىستارى ناتيجەسىندە تۋريستەردىڭ قاۋىپسىز ءارى جايلى دەمالۋىنا جاعداي جاساۋ باستى باسىمدىقتاردىڭ بىرىنە اينالدى.

وبلىستىق بيۋدجەتتەن بولىنگەن 1,5 ملرد تەڭگەدەن استام قاراجات ەسەبىنەن جاعالاۋداعى ينفراقۇرىلىم جاڭارتىلۋدا.
اربات ايماعىندا اعىمداعى جوندەۋ جۇمىستارى جۇرگىزىلىپ، دەمالىس ايماقتارى مەن ساۋدا ورىندارىن قامتيتىن كەڭىستىك قۇرىلۋدا. جاعالاۋدىڭ سانيتارلىق جاعدايىن جاقسارتۋ ءۇشىن 25 مودۋلدىك دارەتحانا، 35 كيىنۋ كابيناسى، 50 قوقىس جاشىگى، 86 بەينەباقىلاۋ كامەراسى ورناتىلماق.



كول ماڭىنداعى جولداردىڭ ساپاسى دا نازاردان تىس قالعان جوق. جالپى قۇنى 1,09 ملرد تەڭگەگە جۋىق سوماعا 21 شاقىرىم جول جوندەلىپ جاتىر. سونىمەن قاتار، قاتتى تۇرمىستىق قالدىقتار

پوليگونىنىڭ جوبالىق قۇجاتتاماسى دايىندالۋدا.
تۋريستەرگە قولايلى كولىك قاتىناسىن قامتاماسىز ەتۋ ماقساتىندا 2025 جىلعى ماۋسىمدا الاكول باعىتىنا اۆتو، اۋە جانە تەمىرجول قاتىناستارى ۇيىمداستىرىلادى. «Scat» جانە «وڭتۇستىك اسپان» اۋەكومپانيالارى ارقىلى اپتاسىنا 19 رەيسكە دەيىن ۇشۋ جوسپارلانۋدا. تەمىرجول باعىتىندا «سەمەي – جالاڭاشكول» پويىزى، ال اۆتوكولىكپەن 9 باعىت بويىنشا قاتىناس قامتاماسىز ەتىلەدى.
قاۋىپسىزدىك – باستى نازاردا. جاعالاۋدا ارنايى وقىتىلعان 10 قۇتقارۋشى، 7 مۇنارا، 7 پيرس جانە بۋيلارمەن جابدىقتالعان 5 شاقىرىم جاعالاۋ شومىلۋ ماۋسىمىندا قاۋىپسىزدىكتى قامتاماسىز ەتەدى. سونىمەن قاتار، تۋريستەرگە 45 پوليتسيا قىزمەتكەرى جانە 14 مەديتسينا قىزمەتكەرى كومەك كورسەتۋگە دايىن.

الاكول ماڭىندا «Qazaq Oil» جانارماي بەكەتىنىڭ اشىلۋى – ءوڭىر تۇرعىندارى مەن قوناقتارىنا كورسەتىلگەن تاعى ءبىر ۇلكەن قولداۋ.

الاكول – جايلى دەمالىس، قاۋىپسىز ورتا جانە زاماناۋي ينفراقۇرىلىمنىڭ ۇيلەسىمدى ۇلگىسى.

پىكىرلەر