ەلىمىزدىڭ بارلىق ايماعى ەكى جىلدا عالامتورمەن قامتىلادى — مينيسترلىك

292
Adyrna.kz Telegram
https://www.adyrna.kz/storage/uploads/1uowMiS3MkxT8icUv3sCOOaY2zgp9ocLiJqMK53A.jpg

قازاقستانداعى بارلىق اۋىلدىق ەلدى مەكەن 2027 جىلعا دەيىن عالامتورمەن قامتىلاتىن بولادى، دەپ حابارلايدى "ادىرنا" ۇلتتىق پورتالى.

بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ ورىنباسارى دوسجان مۇساليەۆ مالىمدەگەن. 

باق-تا تاراعان دەرەككە سايكەس، ەلىمىزدە 6 مىڭنان استام اۋىل بار. ونىڭ 4850-ءى كەڭ جولاقتى ينتەرنەتكە قوسىلعان. الايدا 1049 اۋىل ءالى دە بايلانىس اياسىنان تىس قالىپ وتىر. بۇل ەلدى مەكەندەردە 200

مىڭعا جۋىق حالىق تۇرادى.

اتالعان ماسەلەنى شەشۋ ءۇشىن «قولجەتىمدى ينتەرنەت» جوباسى ازىرلەنگەن. جوبا اياسىندا 3G بايلانىسى بار، بىراق ينتەرنەت جىلدامدىعى تومەن اۋىلدار دا ەسكەرىلىپ وتىر. 

سونىمەن قاتار، جول بويىنداعى ءموبيلدى بايلانىستى جاقسارتۋ ماقساتىندا كەمىندە 387 بايلانىس باعاناسى ورناتۋ جوسپارلانعان.

«بۇل باعىتقا شامامەن 120 ميلليارد تەڭگە كولەمىندە ينۆەستيتسيا تارتىلادى»، – دەدى ۆيتسە-مينيستر دوسجان مۇساليەۆ.

پىكىرلەر