وسى دەمالىس كۇندەرى قازاقستاننىڭ كەيبىر تۇرعىندارى ينتەرنەت پەن جەكەلەگەن ونلاين-رەسۋرستاردىڭ جۇمىسىندا ىركىلىستەرگە تاپ بولدى. وقيعانىڭ سەبەبىن قر جاساندى ينتەللەكت جانە تسيفرلىق دامۋ مينيسترلىگى ءتۇسىندىردى، دەپ حابارلايدى "ادىرنا".
ۆەدومستۆو مالىمەتىنشە، اقاۋ قۇرىلىس جۇمىستارى كەزىندە ماگيسترالدىق تالشىقتى-وپتيكالىق بايلانىس جەلىسىنىڭ زاقىمدانۋىنا بايلانىستى بولعان.
«قازاقتەلەكوم» اق ۇسىنعان اقپاراتقا سايكەس، قۇرىلىس تەحنيكاسى حالىقارالىق ينتەرنەت-ترافيك وتەتىن نەگىزگى باعىتتاردىڭ ءبىرىن قامتاماسىز ەتەتىن كابەلدى زاقىمداعان. ماماندار ترافيكتى جەدەل تۇردە رەزەرۆتىك ارنالارعا اۋىستىرىپ، بايلانىستىڭ تولىق ۇزىلۋىنە جول بەرمەدى، – دەپ مالىمدەدى مينيسترلىك.
قازىرگى ۋاقىتتا زاقىمدانعان ۋچاسكەدە قالپىنا كەلتىرۋ جۇمىستارى جالعاسىپ جاتىر.
تسيفرلىق دامۋ مينيسترلىگى جوندەۋ جۇمىستارى اياقتالعاننان كەيىن جەلى قالىپتى رەجيمدە تولىق جۇمىس ىستەيتىنىن مالىمدەدى.
