اقش قىتايمەن جاڭا ساۋدا كەلىسىمىنە قول قويدى

اقش قىتايمەن جاڭا ساۋدا كەلىسىمىنە قول قويدى. بۇل تۋرالى Financial Times جازدى، دەپ حابارلايدى “ادىرنا”.

اقپارپتقا سايكەس، اقش جاقىن ارادا ۇندىستانمەن دە وسىنداي كەلىسىمگە كەلۋگە نيەتتى.

بۇل تۋرالى اقش پرەزيدەنتى دونالد ترامپ اق ۇيدە بيۋدجەت پەن سالىق سالاسىنداعى جوسپارلارىنا ارنالعان شارادا سويلەگەن سوزىندە ايتتى.

ء"بىز بارلىق ەلدەرمەن كەلىسىم جاسامايمىز. كەيبىر ەلدەرگە جاي عانا حات جولداپ، ولاردىڭ 25%، 35%، 45% تولەيتىنىن ەسكەرتەمىز", – دەدى اقش اكىمشىلىگىنىڭ باسشىسى، بۇل سوزىندە اقش-تاعى يمپورتتىق باج سالىعىنىڭ مولشەرلەمەلەرىن مەڭزەپ وتىر.

2 ساۋىردە ترامپ 185 ەل مەن اۋماقتىڭ ونىمدەرىنە كەدەندىك باج سالىعىن ەنگىزەتىنىن مالىمدەدى. جالپىعا بىردەي 10% مولشەرىندەگى تاريفتەر 5 ساۋىردەن باستاپ كۇشىنە ەندى، ال جەكەلەي تاريفتەر – 9 ساۋىردەن.

سول كۇنى-اق اقش پرەزيدەنتى باج سالىعىنىڭ ءبىر بولىگىن 90 كۇنگە توقتاتا تۇرۋ تۋرالى شەشىم قابىلداعانىن حابارلادى. اق ءۇي بۇل شەشىمدى ساۋدا كەلىسسوزدەرىنىڭ وتۋىمەن بايلانىستىردى. وسى كەزەڭدە 10% مولشەرىندەگى جالپىعا بىردەي تاريف قولدانىلادى.