تەمىرتاۋ قالاسىندا 14 جاستاعى ءجاسوسپىرىم قىزدىڭ 36 جاستاعى ەر اداممەن بىرگە تۇرعانى انىقتالدى، دەپ حابارلايدى "ادىرنا" ۇلتتىق پورتالى.
بۇل وقيعاعا بايلانىستى قاراعاندى وبلىسىنىڭ كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتى ونىڭ اناسىن اتا-انا قۇقىعىنان ايىرۋ تۋرالى شەشىم شىعاردى.
سوتقا تەمىرتاۋ قالاسىنىڭ ءبىلىم ءبولىمى جۇگىنگەن. تالاپ-ارىزدا 2010 جىلى تۋعان قىزدىڭ ءومىر ءسۇرۋى مەن وقۋى ءۇشىن قاجەتتى تۇرمىستىق جاعداي جاسالماعانى، اناسىنىڭ تاربيەلىك مىندەتتەرىن ورىندامايتىنى، جۇمىس ىستەمەيتىنى جانە ىشىمدىككە سالىنعانى كورسەتىلگەن.
سوت پروتسەسى بارىسىندا ايەلدىڭ ءوز قىزىن تاربيەلەۋگە نيەتى جوق ەكەنى، ونىڭ دەنساۋلىعى مەن قاۋىپسىزدىگىنە قاۋىپ توندىرگەنى انىقتالدى. قىز 14 جاسىنان باستاپ 36 جاستاعى ەر اداممەن بىرگە تۇرعانى رەسمي
سوتتىڭ مالىمەتىنشە، ايەل ىشىمدىك ىشكەنى جانە بالاسىنا تۇندە زاڭدى وكىلسىز ۇيدەن شىعۋعا مۇمكىندىك بەرگەنى ءۇشىن بىرنەشە رەت اكىمشىلىك جاۋاپكەرشىلىككە تارتىلعان. سونىمەن قاتار، ول پوليتسيادا "جاۋاپسىز اتا-انا" رەتىندە تىركەۋدە تۇرعان.
2025 جىلدىڭ 12 ناۋرىزىندا قىز كامەلەتكە تولماعانداردى بەيىمدەۋ ورتالىعىنا ورنالاستىرىلدى. قازىرگى ۋاقىتتا سول جەردە تۇرىپ جاتىر.
سوت وتىرىسىندا قامقورشىلىق ورگانى مەن پروكۋرور تالاپ-ارىزدى قاناعاتتاندىرۋدى سۇرادى. ايەل مەن ونىڭ قىزى انانى اتا-انا قۇقىعىنان ايىرماۋدى وتىنگەنىمەن، سوت شەشىمىمەن ايەل اتا-انا قۇقىعىنان ايىرىلىپ، قىزىن اسىراۋعا اليمەنت تولەۋ مىندەتتەلدى.
سوت شەشىمى ازىرگە زاڭدى كۇشىنە ەنگەن جوق.
