پاۆلوداردا ەر ادام جۇمىس ورنىندا كوز جۇمدى، دەپ حابارلايدى "ادىرنا" ۇلتتىق پورتالى.
12 شىلدە كۇنى تاڭەرتەڭ نازارباەۆ داڭعىلى بويىنداعى كاسىپورىنداردىڭ بىرىندە جۇمىس ىستەپ جۇرگەن ازامات جاۋىن سۋىن وتكىزەتىن قۇبىرلاردى تازالاۋ كەزىندە قازا تاپتى. الدىن الا بولجام بويىنشا، ەر ادام قاۋىپسىزدىك كاسكاسىن كيمەگەن. ناتيجەسىندە اۋىر باس جاراقاتىن الىپ، سول جەردە جان تاپسىرعان. پوليتسيا بۇل وقيعاعا بايلانىستى ەڭبەك قاۋىپسىزدىگى ەرەجەلەرىنىڭ بۇزىلۋى دەرەگىمەن قىلمىستىق ءىس قوزعادى.
بۇعان دەيىن، 8 شىلدەگە قاراعان ءتۇنى پاۆلودار – قىزىلوردا اۆتوجولىنىڭ بويىندا تاعى ءبىر قايعىلى جاعداي تىركەلگەن. بەرەكە مەن تورتقۇدىق اۋىلدارىنىڭ اراسىندا MAN ماركالى اۆتوتسيستەرنانىڭ جۇرگىزۋشىسى بەنزين جيناۋ ءۇشىن كولىك تسيستەرناسىنىڭ ۇستىنە شىققان. الايدا ابايسىزدا ىشىنە قۇلاپ كەتىپ، سول ساتتە كوز جۇمعان. بۇل دەرەك تە قۇزىرلى ورگاندار تاراپىنان تەرگەلىپ جاتىر.
