3 قازان كۇنى تاراز قالاسىنداعى اباي كوشەسىندە ورنالاسقان تۇرعىن ءۇيدىڭ اۋلاسىندا قايعىلى وقيعا ورىن الدى. 24 جاستاعى ەر ادامعا پىشاقپەن شابۋىل جاسالعان، دەپ حابارلايدى "ادىرنا".
وقيعا شامامەن ساعات 17:00-دە بولعان. جابىرلەنۋشى العان اۋىر جاراقاتتارىنىڭ سالدارىنان وقيعا ورنىندا كوز جۇمدى. كۋاگەرلەر بولعان جاعداي تۋرالى پوليتسياعا حابارلاعان.
جامبىل وبلىسى پوليتسيا دەپارتامەنتىنىڭ مالىمەتىنشە، اتالعان فاكتى بويىنشا ادام ءولتىرۋ بابىمەن قىلمىستىق ءىس قوزعالدى. كۇدىكتى وقيعادان كەيىن كوپ ۇزاماي ۇستالىپ، ۋاقىتشا ۇستاۋ يزولياتورىنا قامالدى.
قازىر تەرگەۋ امالدارى جۇرگىزىلىپ جاتىر. قىلمىستىق ءىستىڭ تەرگەلۋ بارىسى جامبىل وبلىسى پد باسشىلىعىنىڭ باقىلاۋىندا.
ۇقساس جاڭالىقتار
