قازاقستان كوكشەتاۋدا جەو قۇرىلىسىن رەسەيدەن قارجىلاندىرۋدى كۇتپەستەن ءوز بەتىمەن باستاپ كەتتى. بۇل تۋرالى ءباسپاسوز كونفەرەنتسياسىندا پرەمەر-مينيستر ولجاس بەكتەنوۆ مالىمدەدى، دەپ حابارلايدى “ادىرنا”.
بۇعان دەيىن پرەمەر-ءمينيستردىڭ ورىنباسارى رومان سكليار رەسەيلىك تاراپتىڭ جوبانى قارجىلاندىرۋدا قيىندىقتارعا تاپ بولعانىن ايتقان بولاتىن.
ء«ۇش جەو بويىنشا باستاپقىدا رەسەيلىك ارىپتەستەرمەن بىرلەسىپ ىسكە اسىرۋ نۇسقاسى قاراستىرىلعان ەدى. الايدا رەسەي تاراپىنان سۋبسيديالانعان ارزان قارجىلاندىرۋدى ۇسىنۋ بويىنشا ناقتى اقپارات تۇسكەن جوق. سوندىقتان كوكشەتاۋداعى جەو قۇرىلىسىن ءبىز ەشكىمگە جۇگىنبەي، ءوز كۇشىمىزبەن باستادىق. قۇرىلىس جۇمىستارىن «سامۇرىق-ەنەرگو» جۇرگىزۋدە»، — دەدى بەكتەنوۆ.
ونىڭ ايتۋىنشا، قازىرگى ۋاقىتتا قازاقستان رەسەيدەن وسكەمەن مەن سەمەي قالالارىندا سالىناتىن قالعان ەكى جەو-نى قارجىلاندىرۋ بويىنشا جاۋاپ كۇتىپ وتىر. ەگەر جاقىن ارادا جاۋاپ بولماسا، بۇل جوبالاردى دا ەل ءوز كۇشىمەن ىسكە
بۇعان دەيىن قازاقستان رەسەيمەن بىرلەسىپ سەمەيدە (360 مۆت), وسكەمەندە (360 مۆت) جانە كوكشەتاۋدا (240 مۆت) ءۇش كومىر جەو سالۋدى جوسپارلاعانى حابارلانعان. كەيىن اقمولا وبلىسىنىڭ اكىمدىگى كوكشەتاۋداعى جاڭا جەو قۇرىلىسىن زەرەندى اۋدانىنا كوشىرۋ تۋرالى شەشىم قابىلدادى.
«ينتەرفاكس» اگەنتتىگىنىڭ حابارلاۋىنشا، جوبالاردى جۇزەگە اسىرۋعا باس مەردىگەر رەتىندە رەسەيدىڭ «ينتەر راو» كومپانياسىن تارتۋ جوسپارلانعان. قازاقستان ەنەرگەتيكا مينيسترلىگى جوبالاردى قارجىلاندىرۋدىڭ نەگىزگى نۇسقاسى رەتىندە رەسەي ۇكىمەتىنىڭ سۋبسيديالانعان نەسيەسىن قاراستىرعانىن مالىمدەگەن. الايدا بيىلعى مامىردا ۆيتسە-پرەمەر رومان سكليار جەو قۇرىلىسىن جۇرگىزۋگە جانە جابدىق جەتكىزۋگە ارنالعان جەڭىلدەتىلگەن ەكسپورتتىق قارجىلاندىرۋدى الۋ ماسەلەسىندە قيىندىقتار تۋىنداعانىن ايتقان. ەگەر رەسەيلىك تاراپ جابدىقتى جەتكىزۋگە قاجەتتى قارجىنى بولە الماسا، قازاقستان جاڭا ينۆەستورلار ىزدەيتىنىن مالىمدەگەن.
