تۇركيانىڭ ىستامبۇل قالاسىنىڭ مەرى ەكرەم يماموعلۋ سوت ۇكىمىمەن 1 جىل 8 ايعا باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى.
جەرگىلىكتى باق مالىمەتىنشە، يماموعلۋ مەملەكەتتىك ايىپتاۋشىنى قورلاپ، قورقىتۋ ارەكەتتەرىنە بارعانى ءۇشىن كىنالى دەپ تانىلدى. الايدا سوت شەشىمىنە سايكەس، وعان ساياسي قىزمەتپەن اينالىسۋعا تىيىم سالىنعان جوق. قالا باسشىسىنىڭ ادۆوكاتتارى ۇكىمگە شاعىم تۇسىرەتىندەرىن مالىمدەدى.
سوت وتىرىسى ىستامبۇلداعى سيليۆري تۇرمەسىندە ءوتتى. يماموعلۋ ءوز كىناسىن جوققا شىعارىپ، بۇل ءىستىڭ ساياسي استارى بار ەكەنىن العا تارتتى.
“مەن ەشكىمدى قورقىتقان جوقپىن. مەن سوت جۇيەسىن ساياسي قارۋ رەتىندە پايدالانۋعا قارسى كۇرەسىپ كەلەمىن. بۇل ۇلتتى قورلاۋ دەگەن ءسوز”، – دەپ جازدى ول الەۋمەتتىك جەلىدەگى پاراقشاسىندا.
ۇقساس جاڭالىقتار
