بايىتۋشىلار كۇنىنە وراي ۇلىتاۋ وبلىسىندا بىرقاتار سالا ۇزدىكتەرى مەملەكەتتىك ناگرادالارمەن ماراپاتتالدى. ماراپاتتاردى قر پرەمەر-ءمينيسترى ولجاس بەكتەنوۆ وڭىرگە جۇمىس ساپارى بارىسىندا ارنايى تابىس ەتتى.
اتاپ ايتار بولساق، «قۇرمەت» وردەنىمەن قر ونەركاسىپ جانە قۇرىلىس مينيسترلىگى ونەركاسىپ كوميتەتىنىڭ «جەزقازعانسيرەكمەت» رمك ديرەكتورى ناريمان ابىلقانوۆ، III دارەجەلى «ەڭبەك داڭقى» وردەنىمەن «Kazakhmys Smelting» جشس جەزقازعان مىس بالقىتۋ زاۋىتىنىڭ بالقىتۋشىسى بولات ايدابولوۆ، «جەزقازعانتۇستىمەت» ءوب قارساقپاي مەتاللۋرگيا زاۋىتىنىڭ مەتالل قۇيۋشىسى باقتيار اڭساعاەۆ، «Kazakhmys Smelting» جشس جەزقازعان مىس بالقىتۋ زاۋىتىنىڭ سلەسار-جوندەۋشىسى سەيداحمەت جاقاشباەۆ، جەزقازعان مىس بالقىتۋ زاۋىتىنىڭ توكارى بۇركىتباي وسپانوۆ، «جايرەم كبك» اق كارەرىندەگى اۆتوكولىك جۇرگىزۋشىسى ەلحۋتتى راحىموۆ، «ەرەن ەڭبەگى ءۇشىن» مەدالىمەن «Kazakhmys» فيليالى جەزقازعان بايىتۋ فابريكالارىنىڭ فلوتاتورى گۇلبانۋ جۇماديلدينوۆا، «Kazakhmys Smelting» جشس گيدرومەتاللۋرگ اپپاراتشىسى
«مەن ءۇشىن ەرەكشە كۇن. وسى سالادا جۇمىس ىستەپ كەلە جاتقانىما 40 جىل تولدى. وسى ۋاقىت ارالىعىندا وڭىرىمىزگە قۇرمەت ءارى ەلىمىزدىڭ ەكونوميكاسىن دامىتۋ جولىندا ەڭبەكتەنىپ كەلەمىز. بۇل – مەنىڭ عانا ەمەس، بارلىق ارىپتەسىمنىڭ ەسەلى قىزمەتىنىڭ جەمىسى دەپ بىلەمىن»-دەيدى جەزقازعان بايىتۋ فابريكاسىنىڭ فلوتاتورى گۇلبانۋ جۇماديلدينوۆا.
«مەملەكەت باسشىسىنىڭ اتىنان ناگرادا الۋ جانە ونى پرەمەر-ءمينيستردىڭ ارنايى تاپسىرۋى – مەن ءۇشىن ۇلكەن مارتەبە. بارشا ارىپتەسىمدى ايتۋلى مەرەكەمەن قۇتتىقتايمىن. ەڭبەگىمىز ەلەنە بەرسىن»-دەپ اتاپ ءوتتى ماراپاتتالۋشى جەزقازعان مىس بالقىتۋ زاۋىتىنىڭ بالقىتۋشىسى بولات ايدابولوۆ.
ماراپاتتاۋ راسىمىندە جينالعان جۇرتشىلىقتى قۇتتىقتاعان ۇكىمەت باسشىسى ولجاس بەكتەنوۆ سالا ەڭبەككەرلەرىنىڭ ەل ەكونوميكاسىنا قوسقان زور ۇلەسىن ەرەكشە اتاپ ءوتتى.
