Delta Airlines اۋە كومپانياسىنا تيەسىلى Boeing 767 جولاۋشىلار ۇشاعىنان ءورت شىعىپ، لوس-اندجەلەس اۋەجايىنا شۇعىل قوندى، دەپ حابارلايدى "ادىرنا" ۇلتتىق پورتالى.
اقپاراتقا سۇيەنسەك، ۇشۋدان كەيىن بىردەن ۇشاق ەكيپاجى قوزعالتقىشتان اقاۋ بايقاعان. ولار شۇعىل تۇردە اۋەجايعا ورالۋعا رۇقسات سۇراپ، اۋەجايدى ءبىر اينالىپ وتكەننەن كەيىن ۇشاقتى ءساتتى قوندىرعان.
“جولاۋشىلار مەن ەكيپاج مۇشەلەرى اراسىندا زارداپ شەككەندەر تۋرالى اقپارات جوق. قوزعالتقىشتاعى ءورتتىڭ ناقتى سەبەبىن اقش-تىڭ ازاماتتىق اۆياتسيا فەدەرالدى باسقارماسى انىقتاپ جاتىر”، – دەلىنگەن حابارلامادا.
ايتا كەتەيىك، قوزعالتقىشتاعى ءورت ءساتى ۆيدەوعا ءتۇسىپ، الەۋمەتتىك جەلىلەردە تەز تارادى. كادرلاردان Boeing ۇشاعىنىڭ ءبىر تۋربيناسىنان وت شىعىپ جاتقانى انىق كورىنەدى. بۇل ساتتە ۇشاق بيىككە كوتەرىلىپ بارا جاتقان.
