قازاقستاندا قىتايدان كەلەتىن تاپسىرىستارعا نەگىزدەلگەن سۋرروگات انالىق قىزمەتتەرىنە قاتىستى زاڭسىز ءارى كولەڭكەلى نارىق قالىپتاسقان، دەپ حابارلايدى "ادىرنا" ۇلتتىق پورتالى DW-گە سىلتەمە جاساپ.
DW تىلشىلەرىنە سۇحبات بەرگەن ءاليا مەن ناتاليا (ەسىمدەرى وزگەرتىلگەن) وزدەرى سياقتى سەگىز ايەلدىڭ اتىنان سويلەگەن. ولار دەلدال كومپانيالاردان قوقان-لوقى كورگەندەرىن، ءتىپتى زورلىقپەن باسقا ەلگە الىپ كەتىپ، ابورت جاساتۋ قاۋپى بولعانىن ايتقان. جاعداي ۋشىعا باستاعاندا، ايەلدەر البينا جانە ازامات بەكقۇلوۆ ەسىمدى ادۆوكاتتاردان زاڭ كومەگىن سۇراعان.
الەۋمەتتىك جەلى ارقىلى تارتىلعان بۇل ايەلدەر 25–30 جاس ارالىعىندا، باسىم بولىگى جالعىزباستى، تۇراقتى جۇمىسى مەن باسپاناسى جوق. ولار Instagram مەن TikTok-تاعى جارنامالار ارقىلى سۋرروگات انا بولۋعا ۇسىنىس العان. وندا 6–8 ملن تەڭگە تولەم، تەگىن باسپانا جانە جۇكتىلىك كەزىندە اي سايىن 500 دوللار تابىس ۋادە ەتىلگەن.
مەديتسينالىق تەكسەرۋدەن كەيىن ايەلدەرگە ەمبريوندى
پروتسەدۋرادان كەيىن ايەلدەر قازاقستانعا قايتارىلعان. ءبىرى – الماتى ماڭىنداعى كوتتەدجگە، ەكىنشىسى – مەگاپوليستەگى پاتەرگە ورنالاستىرىلعان. بۇل ۇيلەردە قىتايلىق تاپسىرىس بەرۋشىلەردىڭ وكىلدەرى تۇرىپ، مەديتسينالىق باقىلاۋ جۇرگىزىپ وتىرعان. ناتاليانىڭ ايتۋىنشا، 20-عا جۋىق سۋرروگات انا ءوز بالالارىمەن بىرگە تۇرىپ جاتىر. ءاليا بولسا، كورشى پاتەرلەردە دە ءدال وسىنداي ايەلدەر بارىن ايتقان.
ماماندار بۇل جۇيەنىڭ قاتاڭ قاداعالاۋسىز جۇزەگە اسىپ جاتقانىن، ايەلدەردىڭ قۇقىعى مەن قاۋىپسىزدىگىنە قاۋىپ ءتوندىرىپ وتىرعانىن ەسكەرتەدى. ساراپشىلار مۇنداي كولەڭكەلى بيزنەس مەملەكەتتىك دەڭگەيدە زەرتتەلىپ، قۇقىقتىق شارالار قابىلدانۋى قاجەت دەپ وتىر.
