الماتى تاۋلارىندا 20 جاستاعى جىگىت جوعالىپ كەتتى, دەپ حابارلايدى «ادىرنا» ءتىلشىسى.
قالالىق تجد مالىمەتىنشە، الان ەسىمدى جىگىت 27 شىلدە كۇنى تاڭەرتەڭ تاۋعا شىققان جىگىت مەدەۋ اۋدانىندا جوعالىپ كەتكەن. ساعات 23:02-دە ىزدەستىرۋ-قۇتقارۋ جۇمىستارى باستالعان. بۇل ۋاقىتتا تاۋدا جاڭبىر مەن بۇرشاق جاۋىپ، 4000 مەتر بيىكتىكتە قار تۇسكەنى حابارلاندى.
ىزدەۋ جۇمىستارى «جاستار» شىڭى ماڭىندا باستالعان.
«وپەراتسياعا "مەدەۋ" قۇتقارۋ بەكەتىنەن رەسپۋبليكالىق جەدەل-قۇتقارۋ جاساعىنىڭ ماماندارى جانە "تۇيىق-سۋ" باقىلاۋ-قۇتقارۋ پۋنكتىنىڭ قۇتقارۋشىلارى جۇمىلدىرىلدى. "جاستار", تيتوۆا جانە ت1 شىڭدارى تەكسەرىلگەن، الايدا جىگىت تابىلمادى»،– دەلىنگەن حابارلامادا.
قازىرگى تاڭدا مىڭجىلقى شاتقالىندا جەدەل شتاب قۇرىلعان. ىزدەۋ جۇمىستارى درون جانە ءيىسشىل يتتەر ارقىلى ءجۇرىپ جاتىر.
