30 شىلدەدە الەۋمەتتىك جەلىلەردە ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى رەكتورلىق عيماراتتىڭ 14-قاباتىنان سەكىرىپ كەتكەنى تۋرالى اقپارات تارادى، دەپ حابارلايدى "ادىرنا" ۇلتتىق پورتالى zakon.kz-كە سىلتەمە جاساپ.
بۇل مالىمەتتى مەگاپوليستىڭ پوليتسيا دەپارتامەنتى راستادى.
“بۇل فاكت بويىنشا بوستاندىق اۋداندىق پوليتسيا باسقارماسى قىلمىستىق ءىس قوزعادى. قازىرگى ۋاقىتتا وقيعانىڭ سەبەپتەرى مەن ءمان-جايى انىقتالۋدا”، – دەپ حابارلادى پوليتسيا وكىلدەرى.
ۆەدومستۆونىڭ الدىن الا دەرەكتەرىنە سۇيەنسەك، وقيعانىڭ سەبەبى رەتىندە وتباسىلىق جاعدايلار اتالعان.
سونداي-اق پوليتسيا ازاماتتاردى جالعان اقپارات تاراتۋدان باس تارتىپ، تەك رەسمي دەرەككوزدەرگە سۇيەنۋگە شاقىردى.
ۇقساس جاڭالىقتار
