مەملەكەت باسشىسىنىڭ باستاماسىمەن ەل اۋماعىندا باستاۋ العان «تازا قازاقستان» ەكولوگيالىق اكتسياسى اياسىندا 1 تامىز كۇنى ماڭعىستاۋ سپورتشىلارى تەڭىز جاعالاۋىن قوقىستان تازالادى. ەكولوگيالىق ناۋقان اياسىندا 25 تونناعا جۋىق قوقىس شىعارىلدى، دەپ حابارلايدى قوعامدىق كوممۋنيكاتسيا ورتالىعى.
ەكولوگيالىق ءىس-شاراعا 37 سپورت مەكەمەسىنەن 450 سپورتشى قاتىستى. قاتىسۋشىلارعا قالالىق اكىمدىك تاراپىنان قاجەتتى قۇرال-جابدىقتار بەرىلدى.
-ءوڭىر سپورتشىلارى تازالىق جۇمىستارىن ءجيى جۇرگىزەدى. بۇگىن 25 تونناعا جۋىق قوقىس شىعارىلدى. بۇل جۇمىستاردى الداعى ۋاقىتتا دا جالعاستىرۋ جوسپاردا بار، - دەدى ماڭعىستاۋ وبلىستىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى قانات مانگۋباەۆ.
تازالىق ناۋقانىنا قاتىسقان ەركىن كۇرەستەن ازيا چەمپيونى مايس اليەۆ بارشا ءوڭىر تۇرعىندارىن تەڭىز جاعالاۋىن عانا ەمەس، قالامىزدى دا تازا ۇستاۋعا شاقىردى.
-ءبىز بۇعان دەيىن دە سپورتشىلارمەن، جاتتىقتىرۋشىلارمەن بىرگە تازالىق جۇمىستارىن جۇرگىزگەنبىز. مەنىڭ ويىمشا، تازالىق ءار ادامنىڭ وزىنەن باستالادى. اقتاۋ - ءبىزدىڭ ورتاق ءۇيىمىز. بارشا ءوڭىر تۇرعىندارىن تەڭىز جاعالاۋىن عانا ەمەس، قالامىزدى دا تازا ۇستاۋعا شاقىرامىن، - دەدى مايس اليەۆ.
