بۇگىن، 5 تامىزدا ۇكىمەت وتىرىسىندا قر دەنساۋلىق ساقتاۋ ءمينيسترى اقمارال ءالنازاروۆا انا مەن بالا ولىمىمەن قالاي كۇرەسەتىنىن ايتتى، دەپ حابارلايدى “ادىرنا”.
دەنساۋلىق ساقتاۋ مينيسترلىگىنىڭ باسشىسى بيىلعى جىلدىڭ باسىنان بەرى رەسپۋبليكا بويىنشا 44 مەديتسينالىق ۇيىمدا انا مەن بالا ءولىمى كورسەتكىشى بويىنشا جوسپاردان تىس تەكسەرۋلەر جۇرگىزىلگەنىن حابارلادى. اتاپ ايتقاندا، جامبىل جانە اقمولا وبلىستارىنداعى پەرزەنتحانا مەكەمەلەرىندە اۋقىمدى تەكسەرۋلەر جۇرگىزىلۋدە.
"قىركۇيەك ايىنان باستاپ مەديتسينالىق جانە فارماتسەۆتيكالىق باقىلاۋ كوميتەتى قاداعالاۋ فۋنكتسياسىن جۇزەگە اسىرادى – سەرتيفيكاتى بولماعان جاعدايدا ليتسەنزيانىڭ قولدانىلۋىن توقتاتا تۇرۋ جانە ماماندى جۇمىستان شىعارۋ، پاتسيەنتتەردى قولداۋ قىزمەتى مەن بىلىكتىلىك تالاپتارى دا كۇشەيتىلەدى. مەديتسينالىق كومەكتىڭ ساپاسىن وڭىرلىك باسقارۋدىڭ تيىمدىلىگىن ارتتىرۋ ءۇشىن ساپا كورسەتكىشتەرى KPI-گە ەنگىزىلدى", – دەدى اقمارال ءالنازاروۆا.
حالىقارالىق ستاندارتتاردى ەسكەرە وتىرىپ، اككرەديتتەۋ جۇيەسى دە جەتىلدىرىلۋدە.
