شىمكەنت قالاسىندا مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس قولعا الىنعان «تازا قازاقستان» رەسپۋبليكالىق ەكولوگيالىق اكتسياسى شەڭبەرىندە جۇيەلى جۇمىستار اتقارىلۋدا. بۇل باستاما ەلىمىز بويىنشا ەكولوگيالىق مادەنيەتتى ارتتىرۋ، ازاماتتاردىڭ تابيعاتقا دەگەن جاۋاپكەرشىلىگىن قالىپتاستىرۋ جانە قورشاعان ورتانىڭ تازالىعىن قامتاماسىز ەتۋ ماقساتىندا جۇزەگە اسىرىلۋدا.
اتالعان اكتسيا اياسىنداعى كەزەكتى سەنبىلىك ءىس-شاراسى ەڭبەكشى اۋدانىندا وتكىزىلدى. ءىس-شاراعا شىمكەنت قالالىق جايلى ورتانى دامىتۋ باسقارماسى جانە «گرۋپپا ينتەكو» مەكەمەسىنىڭ ماماندارى جۇمىلدىرىلىپ، بىرقاتار اۋماقتاردا سانيتارلىق-تازالىق جۇمىستارى ۇيىمداستىرىلدى.
اتاپ ايتقاندا، قاراتوبە ەلدى مەكەنى، جىبەك جولى جانە بەردىقوجا باتىر كوشەلەرىندە ارنايى تەحنيكالار مەن تازالىق بريگادالارى جۇمىس جۇرگىزدى. تازالىق جۇمىستارى بارىسىندا كوشە بويىنداعى ارام شوپتەر ورىلىپ، اعاشتاردىڭ قۋراعان بۇتالارى كەسىلدى. سونىمەن قاتار، جاياۋ جۇرگىنشىلەر جولدارى مۇقيات سىپىرىلىپ، ايالدامالار مەن جول جابىنى جۋىلىپ، سانيتارلىق تالاپتارعا ساي كەلتىرىلدى.
تۇرمىستىق قالدىقتار مەن جينالعان كۇل-قوقىستار ارنايى تەحنيكا كومەگىمەن تۇگەلدەي شىعارىلدى. بۇل جۇمىستارعا تەك مەكەمە قىزمەتكەرلەرى عانا ەمەس، جەرگىلىكتى تۇرعىندار دا بەلسەندى اتسالىسىپ، ورتاق ىسكە ءوز ۇلەستەرىن قوستى. مۇنداي بىرلەسكەن جۇمىستار قوعامنىڭ ەكولوگيالىق جاۋاپكەرشىلىگىن ارتتىرىپ، تۇرعىنداردىڭ تابيعاتقا دەگەن كوزقاراسىن جاقسارتۋعا ىقپال ەتەتىنى ءسوزسىز.
جالپى، ەڭبەكشى اۋدانىندا تازالىق پەن تارتىپكە باعىتتالعان مۇنداي شارالار تۇراقتى تۇردە وتكىزىلىپ كەلەدى. بۇل – تەك قالا كوركى ءۇشىن عانا ەمەس، حالىقتىڭ ءومىر ءسۇرۋ ساپاسىن جاقسارتۋ ءۇشىن دە ماڭىزدى.
ايتا كەتەيىك، «تازا قازاقستان» ەكولوگيالىق اكتسياسى الداعى ۋاقىتتا دا ءوز جالعاسىن تابادى. شىمكەنت قالاسىنىڭ بارلىق اۋداندارىندا كەزەڭ-كەزەڭىمەن تازالىق جۇمىستارى جۇرگىزىلىپ، قالا ەكولوگياسىن جاقسارتۋعا باعىتتالعان كەشەندى ءىس-شارالار جۇزەگە اسىرىلادى.
