اتىراۋ قالاسىندا 80 جاستاعى زەينەتكەر سەگىز بالاسى مەن ءبىر نەمەرەسىنە قاتىستى سوتقا شاعىم ءتۇسىرىپ، ءوزىن كۇتىپ-باعۋعا اليمەنت ءوندىرۋدى تالاپ ەتتى، دەپ حابارلايدى "ادىرنا" ۇلتتىق پورتالى.
زەينەتكەردىڭ ايتۋىنشا، ول سوڭعى ون جىلدان استام ۋاقىت بويى جالعىز تۇرىپ كەلەدى. تۋىستارىنىڭ ىشىندە تەك ءبىر ۇلى عانا اندا-ساندا حابارلاسادى. قالعان بالالارى مەن نەمەرەسى قارت اناعا ەشقانداي ماتەريالدىق نەمەسە مورالدىق قولداۋ كورسەتپەيدى. دەنساۋلىعىنىڭ ناشارلاۋىنا جانە قارجىلىق قيىندىقتارعا بايلانىستى ول وتباسىنىڭ كومەگىنە مۇقتاج ەكەنىن جەتكىزدى.
سوت وتىرىسىندا تاراپتاردىڭ الەۋمەتتىك جانە ماتەريالدىق جاعدايىنا باعا بەرىلىپ، تالاپ ءىشىنارا قاناعاتتاندىرىلدى. اتىراۋ قالالىق سوتى زەينەتكەردىڭ ازىق-تۇلىك پەن ءدارى-دارمەك شىعىندارى ءۇشىن ونىڭ سەگىز بالاسى مەن ءبىر نەمەرەسىنەن اي سايىن 3 اەك (11 796 تەڭگە) كولەمىندە اليمەنت ءوندىرۋ تۋرالى شەشىم شىعاردى.
«قازاقستان زاڭناماسىنا سايكەس، كامەلەتكە تولعان جانە ەڭبەككە قابىلەتتى ازاماتتار كومەككە مۇقتاج مۇگەدەك اتا-اناسىن اسىراپ، ولارعا قامقورلىق جاساۋعا مىندەتتى. سونىمەن قاتار، ولاردان اليمەنت ءوندىرىپ الۋ سوت تارتىبىمەن جۇزەگە اسا الادى»، – دەپ ءتۇسىندىردى سوت.
ايتا كەتەيىك، بۇل شەشىم ازىرگە زاڭدى كۇشىنە ەنگەن جوق.
