ەلورداداعى «گاستروورتالىق» عيماراتىندا ورنالاسقان ZIMA تۇنگى كلۋبى مەن قۋاندىق بيشىمباەۆتىڭ قارىنداسى ارۋجان بيشىمباەۆا اراسىندا داۋ تۋىندادى، دەپ حابارلايدى "ادىرنا" ۇلتتىق پورتالى POLITICO.KZ-كە سىلتەپ.
كلۋب اكىمشىلىگىنىڭ ايتۋىنشا، 8 تامىزدا ارۋجان بيشىمباەۆا ەش ەسكەرتۋسىز كەلىپ، مەكەمەنىڭ ەلەكتر جارىعىن وشىرگەن. سالدارىنان كلۋب جۇمىسى توقتاپ قالعان. سونداي-اق ول «گاستروورتالىق» باسشىلىعى ارقىلى جالعا الۋ شارتىن قىسقارتىپ، جەلتوقسان ايىندا كلۋبتىڭ عيماراتتان شىعۋى ءتيىس ەكەنىن حابارلاعان.
ZIMA وكىلدەرى بۇل ارەكەتتەردىڭ زاڭدى نەگىزسىز جاسالعانىن ايتىپ، «گاستروورتالىقتى» ناقتى كىم باسقاراتىنى جونىندە جاۋاپ كۇتەتىنىن مالىمدەدى. ولار 2023 جىلعى وقيعالاردان كەيىن بيشىمباەۆتار وتباسى كەشەندى باسقارۋدان تولىق كەتكەنى جاريالانعانىمەن، جاقىن تۋىستارىنىڭ ءىس جۇزىندە ارالاسىپ وتىرعانىنا كۇمان كەلتىردى.
ءوز كەزەگىندە ارۋجان بيشىمباەۆا Instagram پاراقشاسىندا بۇل ايىپتاۋلاردى «بوپسالاۋدىڭ ارزان ارەكەتى» دەپ اتاپ، مەيرامحانا وكىلدەرىن قوعامدى الداماۋعا شاقىردى.
