Elordadaǧy «Gastroortalyq» ǧimaratynda ornalasqan ZIMA tüngı kluby men Quandyq Bişımbaevtyŋ qaryndasy Arujan Bişımbaeva arasynda dau tuyndady, dep habarlaidy "Adyrna" ūlttyq portaly POLITICO.KZ-ke sıltep.
Klub äkımşılıgınıŋ aituynşa, 8 tamyzda Arujan Bişımbaeva eş eskertusız kelıp, mekemenıŋ elektr jaryǧyn öşırgen. Saldarynan klub jūmysy toqtap qalǧan. Sondai-aq ol «Gastroortalyq» basşylyǧy arqyly jalǧa alu şartyn qysqartyp, jeltoqsan aiynda klubtyŋ ǧimarattan şyǧuy tiıs ekenın habarlaǧan.
ZIMA ökılderı būl äreketterdıŋ zaŋdy negızsız jasalǧanyn aityp, «Gastroortalyqty» naqty kım basqaratyny jönınde jauap kütetının mälımdedı. Olar 2023 jylǧy oqiǧalardan keiın Bişımbaevtar otbasy keşendı basqarudan tolyq ketkenı jariialanǧanymen, jaqyn tuystarynyŋ ıs jüzınde aralasyp otyrǧanyna kümän keltırdı.
Öz kezegınde Arujan Bişımbaeva Instagram paraqşasynda būl aiyptaulardy «bopsalaudyŋ arzan äreketı» dep atap, meiramhana ökılderın qoǧamdy aldamauǧa şaqyrdy.
