Austriia Respublikasy Europa jäne halyqaralyq ıster jönındegı federaldyq ministrı Beate Mainl-Raizinger resmi saparmen Astanaǧa keldı, dep habarlaidy "Adyrna" ūlttyq portaly.
Sapar aiasynda ol Qazaqstannyŋ syrtqy ıster ministrı Ermek Köşerbaevpen kezdestı.
Taraptar keŋeitılgen qūramda kelıssözder ötkızıp, ekıjaqty yntymaqtastyqtyŋ qazırgı jai-küiı men damu perspektivalaryn talqylady. Kezdesu barysynda Ermek Köşerbaev Qazaqstan men Austriia arasyndaǧy diplomatiialyq qatynastardyŋ 1992 jyldan berı tūraqty damyp kele jatqanyn atap öttı.
"Sızdıŋ resmi saparyŋyz ūzaqmerzımdı ärıptestıktı nyǧaitudaǧy maŋyzdy qadam. Būl saiasi dialogymyzǧa jäne halyqaralyq ūiymdarmen özara ıs-qimylymyzǧa jaŋa serpın beredı. Bügınde bızdıŋ bailanystar özara senım men ortaq müddelerge negızdelgen", — dedı ministr.
Ol Qazaqstannyŋ Austriiany maŋyzdy europalyq serıktes retınde qarastyratynyn jäne yntymaqtastyqty ärı qarai damytuǧa müddelı ekenın jetkızdı.
Öz kezegınde Beate Mainl-Raizinger būl sapar būryn qol jetkızılgen kelısımderdıŋ jalǧasy ekenın atap öttı.
"Bızdıŋ yntymaqtastyǧymyz tūraqty damyp keledı. Būl sapar Austriianyŋ Qazaqstanmen ärıptestıkke joǧary män beretının körsetedı", — dedı ol.
Kelıssözder barysynda investisiialyq yntymaqtastyq, infraqūrylymdyq jobalar, sonyŋ ışınde Orta dälızdı damytu mäselelerı qaraldy. Sonymen qatar taraptar energetikalyq qauıpsızdık jäne energiia resurstaryn jetkızu baǧytyndaǧy özara ıs-qimyldy talqylady.
