Foto: TJM
Astananyŋ Esıl audanyndaǧy köpqabatty tūrǧyn üide ört şyqty. TJM qūtqaruşylary 4 balany qosqanda 17 adamdy qauıpsız jerge şyǧardy. Būl turaly TJM habarlady, dep jazady "Adyrna".
TJM alǧaşqy bölımşelerı oqiǧa ornyna jetken kezde bırınşı qabattaǧy bölmeden aşyq jalyn şyǧyp, ǧimarat ışın qoiu tütın basqan. Qūtqaruşylar bırden örttı oqşaulau men tūrǧyndardy evakuasiialauǧa kırıstı.
Mälımet boiynşa, bırınşı qabattaǧy atelede şyqqan ört 50 şarşy metr aumaqty şarpyǧan. Tūrǧyndardy qūtqaru üşın oqiǧa ornyna avtosaty men üş buyndy saty jūmyldyrylyp, TJM qyzmetkerlerı 4 bala bar 17 adamdy evakuasiialady.
«11 saǧat 29 minutta ört tolyǧymen joiyldy, zardap şekkender joq. Astana qalasy Tötenşe jaǧdailar departamentınen 6 bırlık tehnika, 24 adam jeke qūram jūmyldyryldy», – dep habarlady Astana qalasy TJD ÖSKQ jedel kezekşısınıŋ orynbasary Ädılhan Bolatov.
