بۇگىن، 12 تامىزدا مەملەكەت باسشىسى قاسىم-جومارت توقاەۆ بۇكىلالەمدىك تاەكۆوندو فەدەراتسياسىنىڭ (WT) پرەزيدەنتى چۋنگۆون چوۋدى قابىلدادى. بۇل تۋرالى اقوردا جاريالادى، دەپ حابارلايدى “ادىرنا”.
پرەزيدەنت قاسىم-جومارت توقاەۆ چۋنگۆون چوۋدىڭ ساپارى قازاقستاننىڭ سپورت قاۋىمداستىعى ءۇشىن ماڭىزدى وقيعا سانالاتىنىن اتاپ ءوتتى.
سونداي-اق بۇل بۇكىلالەمدىك تاەكۆوندو فەدەراتسياسىنىڭ ەلىمىزدە اتالعان سپورت ءتۇرىنىڭ دامۋىنا جان-جاقتى قولداۋ كورسەتۋگە دايىن ەكەنىن بىلدىرەدى.
مەملەكەت باسشىسى تاەكۆوندو وليمپيادالىق سپورت ءتۇرى عانا ەمەس، ۇيلەسىم، ءتارتىپ جانە ءوزارا قۇرمەت قاعيداتتارىنا نەگىزدەلگەن، دۇنيە جۇزىندەگى ميلليونداعان ادامدى بىرىكتىرەتىن فيلوسوفيا دەپ سانايدى.
قاسىم-جومارت توقاەۆتىڭ ايتۋىنشا، ەلوردادا G1 ساناتىنداعى Kazakhstan Open 2025 حالىقارالىق رەيتينگ ءتۋرنيرىن وتكىزۋ وتاندىق سپورتشىلاردىڭ كاسىبي تۇرعىدان شىڭدالۋىنا، تاجىريبە الماسۋىنا ءارى ۇلتتىق فەدەراتسيانىڭ باسەكەگە قابىلەتتىلىگىن كوتەرۋگە كەڭىنەن جول اشادى.
