قازاقستاندىق سپورتشى ستەند اتۋدان الەم چەمپيوناتىندا التىن مەدال جەڭىپ الدى، دەپ حابارلايدى "ادىرنا" ءتىلشىسى.
قازاقستان قۇراماسىنىڭ مۇشەسى ماريا دميتريەنكو مىسىردىڭ كايردە قالاسىندا ءوتىپ جاتقان رەيتينگتىك الەم چەمپيوناتىندا ۇزدىك ونەر كورسەتتى. ول ايەلدەر اراسىنداعى تراپ جاتتىعۋىنىڭ فينالدىق جارىسىندا قارسىلاستارىن باسىپ وزىپ، العاشقى ورىنعا يە بولدى.
تۋريزم جانە سپورت مينيسترلىگىنىڭ اقپاراتى بويىنشا، شىمكەنتتىك ماريا دميتريەنكونىڭ وسى جارىستا ونەر كورسەتۋى ISSF رەيتينگىسىندە جوعارى كوتەرىلۋگە مۇمكىندىك بەرگەن.
بۇل – پاريجدەگى جازعى وليمپيادا ويىندارىنا قاتىسۋ ءۇشىن وليمپيادا كۆوتاسىن الۋداعى ماڭىزدى قادام.
