ەلىمىزدە ەڭ تومەنگى جالاقى مولشەرى كوتەرىلمەيتىن بولدى. بۇل تۋرالى بۇگىن، 13 تامىزدا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ايتتى، دەپ حابارلايدى «ادىرنا» ءتىلشىسى.
«شىنى كەرەك، بىزدە ەڭ تومەنگى جالاقىنى كوتەرۋ جوسپارلانباعان. بۇگىندە ەڭ تومەنگى جالاقى مولشەرى – 85 مىڭ تەڭگە، ازىرگە ونى ءوسىرۋدى قاراستىرىپ وتىرعان جوقپىز»،– دەدى مينيستر ۇكىمەت ۇيىندەگى ءباسپاسوز ءماسليحاتىندا.
قارجى ءمينيسترى ءمادي تاكيەۆ تە بۇل ماسەلەگە قاتىستى تۇسىنىكتەمە بەردى. ايتۋىنشا، بۇعان دەيىن تەك بولجامدى ەسەپتەر ۇسىنىلعان.
ء«بىز ول كەزدە ەسەپتەپ كوردىك. كورسەتكىشتەرگە قاراساق، ورتاشا مولشەر كەم دەگەندە 90 مىڭ تەڭگەنىڭ توڭىرەگىندە بولۋى كەرەك ەدى. بىراق قازىرگى جاعدايدى ەسكەرە وتىرىپ، ونى قازىرگى دەڭگەيدە قالدىرىپ جاتىرمىز»،—دەپ تولىقتىردى ول.
