الماتىدا اۆتوبۋس ىشىندە ءتىل داۋىنا بايلانىستى جانجال شىقتى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە تاراعان ۆيدەودا جولاۋشى جۇرگىزۋشىگە قازاق تىلىندە جاۋاپ بەرگەنى ءۇشىن داۋىس كوتەرىپ، جانجال شىعارعانى انىق كورىنەدى. الايدا سالونداعى باسقا جولاۋشىلار جۇرگىزۋشىنى قولداپ شىققان.
كۋاگەردىڭ ايتۋىنشا، ەر ادام جۇرگىزۋشىنىڭ ورىسشا ەمەس، قازاقشا جاۋاپ بەرۋىنە نارازى بولعان.
«جولاۋشى جۇرگىزۋشىگە ورىسشا سويلەمەگەنى ءۇشىن ۇرىستى. قالعاندارى جۇرگىزۋشىنى قورعاپ شىقتى – قاۋىپسىزدىك بارىنەن ماڭىزدى»، – دەلىنگەن بەينەجازبا اۆتورىنىڭ جازباسىندا.
وقيعا قوعامدا ۇلكەن تالقىعا ءتۇستى. الەۋمەتتىك جەلى قولدانۋشىلارىنىڭ باسىم بولىگى جولاۋشىنىڭ ارەكەتىن تىلدىك وكتەمدىك دەپ باعالاپ، سىنعا الدى.
ۇقساس جاڭالىقتار
