ءلاززات تانىسباي «قازاقستان» تەلەراديوكورپوراتسياسىنىڭ باسقارما ءتورايىمى رەتىندەگى قىزمەتىن اياقتاپ، «ەۋرازيا» ءبىرىنشى ارناسىنىڭ باسشىلىعىنا كەلدى، دەپ حابارلايدى «ادىرنا» ءتىلشىسى.
«بىرگە قىزمەت ەتكەن ارىپتەستەرىمە العىس ايتا وتىرىپ، باسقارما ءتورايىمى رەتىندەگى قىزمەتىمدى اياقتاۋدى ءجون سانادىم. التى جىلدان استام ۋاقىتتا ەڭ مىقتى، كاسىبي ۇجىممەن بىرگە جاۋاپتى كەزەڭدەردى ەڭسەرىپ، ماقسات ەتىپ قويعان جوبالاردى جۇزەگە اسىردىق. كورپوراتسيانىڭ قازىرگى ۋاقىتتاعى جەتىستىكتەرى ارىپتەستەرىمنىڭ ءوز ىسىنە ادالدىعى مەن تىنىمسىز ەڭبەگىنىڭ جەمىسى. وسى كەزەڭدە قىزمەتكەرلەردىڭ الەۋمەتتىك جاعدايىن جاقسارتىپ، كاسىبي دامۋىنا قولايلى ورتا قالىپتاستىرۋعا تىرىستىم. سەبەبى جايلى ەڭبەك - ورتاسى ناتيجەلى جۇمىستىڭ، تۇراقتىلىق پەن تابىستىڭ نەگىزى.
قازاق تەلەۆيزياسىنىڭ قاراشاڭىراعى سانالاتىن ۇيىمدا بۇعان دەيىن تالاي جەتەكشىلەردىڭ وزىنە لايىق قولتاڭباسى قالدى. بۇل ساباقتاستىق جالعاسىن تابۋى قاجەت. ۋاقىتپەن بىرگە باسشىلاردىڭ دا الماسىپ، ۇيىم جۇمىسىنا جاڭا تىنىس، جاڭا سەرپىن بەرىلىپ وتىرۋى كەرەك دەپ ەسەپتەيمىن.
بۇل شەشىمىمە قولداۋ بىلدىرگەن سالا مينيسترىنە العىس ايتامىن. مەن ءارى قاراي دا وتاندىق تەلەۆيزيا سالاسىنىڭ دامۋىنا ەڭبەك ەتەمىن»، - دەدى ءلاززات تانىسباي بۇگىن كورپوراتسيانىڭ جەتەكشىلەرىمەن كەزدەسۋىندە.
ول «قازاقستان» رەسپۋبليكالىق تەلەراديوكورپوراتسياسىن 2019 جىلدىڭ ءساۋىر ايىنان بەرى باسقارعان بولاتىن.
ەندى بۇل قىزمەتتى ەرنۇر بۋراحان اتقاراتىن بولادى. ول 1981 جىلى 16 ماۋسىمدا شىعىس قازاقستان وبلىسىندا دۇنيەگە كەلگەن. جۋرناليستيكا سالاسىندا 20 جىلدان استام تاجىريبەسى بار. ءار جىلدارى «Qazaqstan» تەلەارناسىندا ءتىلشى، تەلەجۇرگىزۋشى، «قازاقستان» تەلەراديوكورپوراتسياسىنىڭ اقتوبە وبلىستىق فيليالىنىڭ ديرەكتورى، «قازاقستان» تەلەراديوكورپوراتسياسىنا قاراستى «قازاق راديولارى» جشس ديرەكتورى قىزمەتتەرىن اتقاردى. بيىل قاڭتار ايىنان باستاپ شىعىس قازاقستان وبلىسى ىشكى ساياسات باسقارماسىنىڭ باسشىسى قىزمەتىندە بولدى.
