«ەۋرازيا» ءبىرىنشى ارناسىندا جاڭا ماۋسىم!
وتاندىق تەلەارنالار اراسىندا سوڭعى 20 جىلدا ۇزدىكتەر قاتارىندا كەلە جاتقان «ەۋرازيا» ءبىرىنشى ارناسى جاڭا ماۋسىمدا كورەرمەن نازارىنا بىرنەشە تىڭ جوبالار ۇسىنباق.
«ماما، ماعان داۋىس بەر!»
تۇڭعىش رەت تمد كولەمىندە بالاماسى جوق، بۇرىن-سوڭدى ەلىمىزدە بولماعان «ماما، ماعان داۋىس بەر!» مۋزىكالىق جوباسى 4-قىركۇيەكتە كورەرمەنگە جول تارتادى. سايىسقا قاتىسىپ، بارىن سالۋ ءۇشىن، ەلىمىزدىڭ ەڭ ۇلكەن قالالارىنداعى 300-دەن اسا ونەرپازدىڭ ىشىنەن 50 ۇمىتكەر تاڭدالعان.
توسىن سىيلار مەن ەرەكشەلىككە تولى بۇل باعدارلامانىڭ تىزگىنىن «شاكەنتي» لاقاپ اتىمەن تانىمال ءشارىپ سەرىك الماق.
ءبىرىنشى ويعا تۇيەتىنى بۇل – وتباسىلىق جوبا. بالاعا دا، ۇلكەنگە دە بىردەي قىزىقتى بولماق. 15 پەن 20 جاس ارالىعىنداعى ونەرپازدار قاتىسىپ، ساحنادا ونەر كورسەتكەن ءوز بالاسىنا اناسى داۋىس بەرەدى. ۇيىمداستىرۋشىلاردىڭ سوزىنشە ازىرگە قازاقستان كولەمىندە تەڭدەسى جوق باعدارلاما كورەرمەننىڭ كوڭىلىنەن شىعىپ، وتاندىق ەسترادادا جاڭا جۇلدىزداردىڭ شامىن جاعۋى ابدەن مۇمكىن. جوبانىڭ يدەياسى تىڭ، اۋديتورياسى زەرتتەلگەن، كورەرمەننىڭ سۇرانىسىنا جاۋاپ بەرەدى.
«اينا»
وعان قوسا ارناداعى جاڭالىقتار لەگى دە كورەرمەنگە جاڭاشا باعىتتا ۇسىنىلادى. ءار اپتانىڭ سەنبىسىندە تىكەلەي ەفيردە بەرىلەتىن «اينا» قورتىندى-ساراپتامالىق باعدارلاماسىنىڭ سيپاتى ءبىر بولەك. حابار قوعامنىڭ ايناسى رەتىندە ەل ىشىندە بولىپ جاتقان بارلىق وقيعالار مەن ۇردىستەر، پروبلەمالار مەن ولاردىڭ شەشىمدەرى جانە ۇلت جەتىستىگىن كورەرمەندەرگە دارىپتەيدى.
جوبانىڭ ماقساتى – ەلىمىزدى بار بولمىسىمەن، جەتىستىكتەرى مەن كەمشىلىكتەرىن قاتار كورسەتە وتىرىپ، بيلىك باسىندا قابىلداناتىن شەشىمدەر، ەكونوميكالىق ۇردىستەردىڭ جەمىسى قاراپايىم ەل ازاماتىنىڭ ومىرىندە قانداي كورىنىس تاباتىنىن اشىپ كورسەتۋ. وزەكتى ءھام اۋقىمدى ماسەلەلەر ساراپشىلار مەن قوعام وكىلدەرىنىڭ پىكىرتالاسى ارقىلى سارالانسا، تىلشىلەر ەلىمىزدىڭ ءاربىر وڭىرىندە بولىپ جاتقان ماڭىزدى وقيعالاردى پاش ەتەدى. قازاقستاننىڭ ۇلان عايىر دالاسىنداعى تابيعاتتىڭ تاڭعاجايىپتارى مەن ەل ىشىندەگى ەرەك تۇلعالاردىڭ ومىرىنەن رەپورتاجدار كورسەتىلەدى.
«تاينى ەدى!»
تاۋەلسىز ەلىمىزدىڭ توقتاۋسىز دامۋىنداعى بارلىق جەتىستىكتەر ۇلىلىارىمىزدى ۇلىقتاپ، اتا ءداستۇرىمىزدى ساقتاپ، تاريحىمىزدى تانىپ، وتكەنمەن ساناسقاندىعىمىزدا ەكەنى ءسوزسسىز. تامىرى عاسىرلارعا ۇلاساتىن دالا زاڭدارى مەن ۇلتتىق سالت-داستۇرلەرىمىزدى ۇرپاقتان ۇرپاققا جەتكىزۋ بىزگە مىندەت. بۇل باعىتتا تەلەارنا جاڭا ماۋسىمدا بىرەگەي جوبالار كورەرمەن نازارىنا ۇسىنادى. ولاردىڭ ىشىندە عاسىرلار بويى جالعاسىپ كەلگەن رۋحاني قۇندىلىعىمىزدى، سالت-ءداستۇرىمىزدى، ۇلتتىق تاعامدارىمىزدى تانىتاتىن «تاينى ەدى!» مەگاجوباسى بار.
«ۆاۋ، كازاحستان!»
جاڭا ماۋسىمداعى تاعى ءبىر جاڭالىق - ەلىمىزدىڭ ەڭ كورىكتى جەرلەرىن ناسيحاتتاۋ ماقساتىندا تابيعات قۇشاعىندا تۇسىرىلەتىن «ۆاۋ، كازاحستان!» جوباسى. دارحان دالامىزدا ءالى كۇنگە دەيىن جۇمباق بولىپ كەلەگەن تىلسىم تابيعاتتىڭ بىزگە بەلگىسىز تۇستارى مەن اۋليە مەكەندەردىڭ تاريحى، كونەنىڭ مەكەنى بولعان، ءسىز بەن ءبىز بىلە بەرمەيتىن ورىندار مەن جەر استى مەشىتتەردىڭ بەيمالىم قىرلارىنا ساياحات جاسالادى.
ال ارنانىڭ باستى تىرەگىنە اينالعان اقپاراتتىق-ساراپتامالىق، الەۋمەتتىك، تانىمدىق، ويىن-ساۋىق جانە تاڭعى باعدارلامالار وزگەشە فورماتتا، جاڭا ستۋديالاردا شىعا باستايدى. جاڭا ماۋسىمدا تالعامى بيىك كورەرمەننىڭ كوڭىلىنەن شىعار تىڭ جوبالار جەتەرلىك.
