قىرعىزستاننىڭ وش قالاسىندا قازاقستان باس كونسۋلدىعى رەسمي تۇردە اشىلدى. ديپلوماتيالىق مەكەمە پرەزيدەنت قاسىم-جومارت توقاەۆتىڭ كورشى ەلگە رەسمي ساپارى قارساڭىندا اشىلىپ وتىر. بۇل تۋرالى سىرتقى ىستەر مينيسترلىگى مالىمدەدى، دەپ حابارلايدى "ادىرنا".
«قازاقستان مەن قىرعىزستان – كورشىلەر عانا ەمەس، ورتاق قۇندىلىقتار مەن ورتالىق ازياداعى بەيبىتشىلىك، تۇراقتىلىق پەن وركەندەۋگە ۇمتىلىس بىرىكتىرگەن ەڭ جاقىن سەرىكتەستەر جانە وداقتاستار»، – دەدى سىرتقى ىستەر ءمينيسترىنىڭ ورىنباسارى ەرمۇحامبەت قونىسپاەۆ.
ول قىرعىزستاننىڭ ەكىنشى ءىرى قالاسىندا كونسۋلدىقتىڭ اشىلۋىن ەكى ەل اراسىنداعى باۋىرلاستىقتى ايعاقتايتىن ەرەكشە ماڭىزدى وقيعا دەپ سيپاتتادى.
قىرعىز ۆيتسە-ءمينيسترى اسەين يساەۆ مۇنداي قادام ىنتىماقتاستىقتى ودان ءارى نىعايتىپ، كەڭەيتۋگە جاڭا سەرپىن بەرەدى دەدى.
وش قالاسىنىڭ مەرى جەنيشبەك توكتورباەۆ، ۇلى قازاق اقىنى ءارى ويشىلى اباي قۇنانبايۇلىنىڭ 180 جىلدىق مەرەيتويىنا وراي، قالاداعى كوشەلەردىڭ بىرىنە ونىڭ ەسىمى بەرىلەتىنىن ايتتى.
قازاقستان باس كونسۋلدىعىنىڭ كونسۋلدىق وكرۋگىنە وش، جالال-اباد جانە باتكەن وبلىستارى كىرەدى. اتالعان وڭىرلەردە قازاقستاننىڭ شامامەن 3 مىڭعا جۋىق ازاماتى تۇرادى.
وش قالاسى – قىرعىزستاننىڭ وڭتۇستىك وڭىرىندە اكىمشىلىك، ەكونوميكالىق جانە مادەني ورتالىق رەتىندە ماڭىزدى ءرول اتقاراتىن ەلدىڭ ەكىنشى ءىرى قالاسى. شاھاردا 500 مىڭعا جۋىق ادام تۇرادى.
