22 تامىزدا تۇركىمەنستان حالك ماسلاحاتىنىڭ توراعاسى گۋربانگۋلى بەردىمۇحامەدوۆ، ازەربايجان رەسپۋبليكاسىنىڭ پرەزيدەنتى يلحام اليەۆ جانە وزبەكستان رەسپۋبليكاسىنىڭ پرەزيدەنتى شاۆكات ميرزيەەۆ جوعارى دەڭگەيدەگى ۇشجاقتى كەزدەسۋ اياسىندا وتكەن مادەني شاراعا قاتىستى.
سالتاناتتى ءىس-شارا بارىسىندا 2007 جىلى باتىر-ارقاداعتىڭ باستاماسىمەن قۇرىلعان ۇلتتىق ات ويىندارى توبى — «گالكىنىش» ونەر كورسەتتى. قاتىسۋشىلار كوركەم اقالتەكە جىلقىلارىنىڭ ۇستىندە ورىندالعان شاباندوزداردىڭ شەبەر نومىرلەرىن ۇلكەن قىزىعۋشىلىقپەن تاماشالادى.
مەرەكەلىك كەش سوڭىندا مارتەبەلى قوناقتارعا قۇرمەت كورسەتۋ ءراسىمى ءوتتى.
كەزدەسۋگە قاتىسقانى، كەلىسسوزدەردىڭ ناتيجەلى وتۋىنە قوسقان ۇلەسى جانە قولداۋى ءۇشىن باۋىرلاس ەكى ەلدىڭ باسشىلارىنا تۇركىمەنستان پرەزيدەنتى مەن باتىر-ارقاداعتىڭ اتىنان سىيلىقتار تابىستالدى.
ازەربايجان پرەزيدەنتى يلحام اليەۆكە تۇركىمەنستان پرەزيدەنتى، باتىر-ارقاداع جانە بۇكىل تۇركىمەن حالقىنىڭ اتىنان "تاۆۋس" اتتى التىن ءتۇستى اقالتەكە تۇقىمدى سايگۇلىك تارتۋ ەتىلدى.
سودان كەيىن باۋىرلاس وزبەكستاننىڭ كوشباسشىسى شاۆكات ميرزيەەۆكە بوتاسىمەن قوسا ءبىر تۇيە سىيعا بەرىلدى.
باۋىرلاس ەلدەردىڭ كوشباسشىلارىمەن بىرگە ەستەلىك سۋرەتكە تۇسكەن باتىر-ارقاداع ولاردى ەرەكشە سىيلىقتارىمەن قۇتتىقتادى.
ودان سوڭ تۇرىكمەن حالقىنىڭ ۇلتتىق كوشباسشىسى ازەربايجان جانە وزبەكستان پرەزيدەنتتەرىنە سىيلىقتارعا قاتىستى رەسمي قۇجاتتاردى تابىستادى. ەل باسشىلارى بۇل سىيلىقتاردى ءوز ەلدەرى مەن حالىقتارىنا دەگەن تەرەڭ قۇرمەتتىڭ بەلگىسى رەتىندە قابىلداپ، تۇركىمەنستان پرەزيدەنتىنە، باتىر-ارقاداعقا جانە بۇكىل تۇركىمەن حالقىنا شىنايى العىستارىن ءبىلدىردى.
