تۇركيانىڭ كاپپادوكيا ايماعىندا تۋ ىلىنگەن باعانادا بي بيلەگەن تۋريست قىز تۇرمەگە قامالۋى مۇمكىن، دەپ حابارلايدى "ادىرنا" ۇلتتىق پورتالى Sabah گازەتىنە سىلتەمە جاساپ.
بەينەكادرلاردا قىزدىڭ باعاناعا شىعىپ، اكروباتيكالىق قيمىلدار جاساعانى كورىنەدى. بۇل ارەكەت ەلدە ورىنسىز سانالىپ، قوعامدىق رەزونانس تۋعىزعان. سەبەبى بي ايماقتىڭ ماڭىزدى نىشاندارىنىڭ بىرىندە، يۋنەسكو-نىڭ دۇنيەجۇزىلىك مادەني جانە تابيعي مۇرالار تىزىمىنە ەنگەن جەردە جاسالعان. وسىعان بايلانىستى تۇرىك بيلىگى شەتەلدىك ازاماتتىڭ قۇقىققا قايشى ارەكەتى ءۇشىن قىلمىستىق ءىس قوزعاعان.
«تۋ – ءبىزدىڭ ابىرويىمىز، كوزىمىزدىڭ قاراشىعى. ۇلتتىق جانە رۋحاني قۇندىلىقتارىمىزعا مۇنداي قۇرمەتسىزدىك كورسەتۋشە بولمايدى»، – دەگەن ادىلەت جانە دامۋ پارتياسىنىڭ دەپۋتاتى ەمرە چالىشكان.
تۋريست قىزعا ءبىر جىلدان ءۇش جىلعا دەيىن باس بوستاندىعىنان ايىرۋ جازاسى بەرىلۋى مۇمكىن. ونىڭ ەسىمى مەن ازاماتتىعى جاريالانبادى.
