قاراعاندىدا ءبىر جارىم جاستاعى ءسابي 22 ماگنيتتى شاردى جۇتىپ قويعان، دەپ حابارلايدى "ادىرنا" ۇلتتىق پورتالى كتك ارناسىنا سىلتەمە جاساپ.
بالانى ءىشى اۋىرىپ، دەنە قىزۋى كوتەرىلگەن سوڭ اۋرۋحاناعا اپارعان.
دارىگەرلەر تەكسەرۋ كەزىندە بالانىڭ ىشىنەن ءبىر-بىرىنە جابىسىپ قالعان ماگنيتتى شارلاردى انىقتاعان. ىشكى اعزالاردىڭ جىرتىلۋ قاۋپى بولعاندىقتان، سابيگە شۇعىل تۇردە وتا جاسالعان.
«بالانى شۇعىل تۇردە وتاعا دايىنداپ، ماگنيتتەردى الىپ تاستادىق. قازىرگى ۋاقىتتا بالانىڭ جاعدايى تۇراقتى، جانساقتاۋ بولىمىنەن شىعارىلدى»، – دەدى قاراعاندى وبلىستىق كلينيكالىق اۋرۋحاناسىنىڭ شۇعىل حيرۋرگيا ءبولىمىنىڭ مەڭگەرۋشىسى.
ۇقساس جاڭالىقتار
