تاجىكستانداعى ساندجار-شاح سوعدىلىق قونىسىنان ارحەولوگتار وتقا تابىنۋ عۇرپىن بەينەلەگەن بىرەگەي قابىرعا سۋرەتىنىڭ فراگمەنتتەرىن تاپتى، دەپ حابارلايدى "ادىرنا" ۇلتتىق پورتالى.
عالىمداردىڭ ايتۋىنشا، تابىلعان سۋرەت VIII عاسىرعا تيەسىلى. ول اراب نامەستنيگى ناسر يبن سايار بيلىك ەتكەن كەزەڭدە سالىنعان مونۋمەنتالدى سارايدىڭ ىشىندە ورنالاسقان. كەيىن جويقىن ورتتەن كەيىن ساراي شارۋاشىلىق نىساندارعا اينالدىرىلعان. «تىكبۇرىشتى زال» دەپ اتالاتىن بولىكتە 30 فرەسكا فراگمەنتى تابىلدى.
فرەسكادا جاۋىنگەرلەردىڭ جىندارمەن شايقاسىنان بولەك، اسا سيرەك كەزدەسەتىن كورىنىس – وت قۇرباندىق ۇستەلىنە قاراي بەت العان ءتورت ابىز بەن ءبىر بالا بەينەلەنگەن. مۇنداي سيۋجەت سوعدىلىق ونەردە بۇعان دەيىن تەك وستەاريلەردە (سۇيەك ساقتايتىن ورىنداردا) عانا كەزدەسكەن.
قالپىنا كەلتىرىلگەن سۋرەتتەر ارقىلى العاش رەت ابىزداردىڭ سىرتقى بەينەسىن كورۋگە مۇمكىندىك تۋدى: قىسقا شاش، ساقال، بەلدىكتى ۇزىن كيىم، سومكە جانە اۋىز-مۇرىنعا تاعىلاتىن ارنايى ماسكا (padām).
بۇل ءداستۇر زورواستريزم ءدىنباسىلارىنىڭ بۇگىنگى كۇنگە دەيىنگى تاجىريبەسىندە ساقتالعان.
