تالعار قالاسىندا قايعىلى وقيعا ورىن الدى. بەلگىسىز ەر ادام جەرگىلىكتى تۇرعىندى اتىپ ءولتىرىپ، ونىڭ ەكى جاسار قىزىن الىپ كەتتى دەگەن اقپارات تارادى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
ادۆوكات گاۋحار ساريەۆانىڭ ايتۋىنشا، قىلمىسكەر بۇعان دەيىن دە قىلمىسقا كۇدىكتەلگەن. ءبىر اي بۇرىن ول مارقۇم بولعان ەر ادامنىڭ قارىنداسىن زورلادى دەگەن ايىپ تاعىلعان. كۇدىكتى كولىك جوندەۋ ورتالىعىنىڭ قىزمەتكەرى بولعان.
الايدا ادۆوكاتتىڭ سوزىنشە، ول ءىس بويىنشا پوليتسيا ەشقانداي شارا قولدانباعان. ەكى كۇن بۇرىن مارقۇم ەر ادام ايەلىمەن بىرگە كۇدىكتىنى ۇستاپ، پوليتسياعا تاپسىرعان. بىراق كەلەسى كۇنى ول بوستاندىققا شىققان.
وسىدان كەيىن كۇدىكتى ساريەۆانىڭ اپكەسىنە قوڭىراۋ شالىپ، قورقىتىپ جۇرگەن. اقىرى ول اعاسىنىڭ ۇيىنە بارىپ، وق اتىپ، ەر ادامدى ولتىرگەن. كەيىن ونىڭ ەكى جاسار قىزىن الىپ كەتكەن.
اتالعان جاعدايعا بايلانىستى الماتى وبلىستىق پوليتسيا دەپارتامەنتىنەن رەسمي تۇسىنىكتەمە سۇرالدى، الايدا ازىرگە جاۋاپ بەرىلگەن جوق.
