قازاقستاندىقتار سەگىزىنشى قىركۇيەككە قاراعان ءتۇنى سيرەك كەزدەسەتىن عارىشتىق قۇبىلىس تولىق اي تۇتىلۋىن تاماشالادى، دەپ حابارلايدى "ادىرنا" ۇلتتىق پورتالى.
بۇل — بيىلعى جىلدىڭ سوڭعى اي تۇتىلۋى.
فەسەنكوۆ اتىنداعى استروفيزيكا ينستيتۋتىنىڭ مالىمەتىنشە، پروتسەسس استانا ۋاقىتى بويىنشا 7 قىركۇيەك كۇنى 21:27-دە ايدىڭ جەردىڭ جارتىلاي كولەڭكەسىنە ەنۋىمەن باستالعان. بىرتىندەپ ونىڭ ساۋلەسى سولعىن تارتىپ، 22:30-دا جەردىڭ كولەڭكەسىنە تولىق كىردى.
ايعا قىزىل-قوڭىر رەڭ بەرىلگەندىكتەن تۇتىلۋ “قاندى اي” دەپ اتالادى. ەڭ جوعارعى ءساتى 23:11-دە تىركەلدى، ال ءتۇن ورتاسىنا قاراي اي ءوزىنىڭ ادەتتەگى كۇمىس ءتۇستى بەينەسىنە قايتا ەندى.
استرونوميالىق شوۋ تولىقتاي ءتۇن ورتاسىنا قاراي اياقتالدى.
NASA مالىمەتىنە سۇيەنسەك، تۇتىلۋدى قازاقستاننان بولەك ەۋروپانىڭ كوپ بولىگى، ازيا، افريكا جانە اۆستراليا تۇرعىندارى دا باقىلاي العان.
