پرەزيدەنتتىڭ قازاقستاندى ءبىر پالاتالى پارلامەنتكە كوشىرۋ باستاماسىنان كەيىن، ءماجىلىس كۋلۋارىندا جۋرناليستەر دەپۋتات ايدوس سارىمنان بۇل پارلامەنتتىك رەسپۋبليكاعا قادام ەمەس پە دەپ سۇرادى، دەپ حابارلايدى "ادىرنا" ۇلتتىق پورتالى.
دەپۋتاتتىڭ ايتۋىنشا، بۇل قادام ەلدىڭ ساياسي جۇيەسىنىڭ نەگىزىن وزگەرتپەيدى.
ء«بىر پالاتالى نەمەسە قوس پالاتالى قۇرىلىمدا بولسا دا، قازاقستان پرەزيدەنتتىك رەسپۋبليكا بولىپ قالا بەرەدى. بىزدە مىقتى پرەزيدەنت جانە ىقپالدى پالاتا بار»، – دەدى ول.
ايدوس سارىمنىڭ پىكىرىنشە، قازىرگى ۋاقىتتا باستى نازاردى زاڭنامالىق بازانى قايتا قاراۋعا اۋدارۋ قاجەت. ول بيلىكتىڭ ساباقتاستىعى ءتارتىبىن زاڭدا ناقتى جازىپ قويۋدىڭ ماڭىزدىلىعىن اتاپ ءوتتى. مىسال رەتىندە اقش تاجىريبەسىن كەلتىرىپ، وندا بيلىك ساباقتاستىعىنىڭ 28 دەڭگەيى زاڭ جۇزىندە بەكىتىلگەنىن ايتتى.
«بىزدە كەيبىر ماسەلەلەر «سۇر ايماقتا» قالىپ وتىر. بۇل – تاۋەكەلدەر. اسكەريلەردە ءبارى ناقتى: ارنايى الگوريتمدەر جازىلىپ قويىلعان. سول سەكىلدى بىزدە دە بارلىعى الدىن الا انىق جازىلۋى كەرەك»، – دەدى دەپۋتات.
سونداي-اق، ول 30 جىل بۇرىن كونستيتۋتسيادا جەرگىلىكتى ءوزىن-ءوزى باسقارۋ تۋرالى زاڭ قابىلداۋ نورماسى بولعانىن، الايدا ونىڭ تەك قازىر جۇزەگە اسا باستاعانىن ەسكە سالدى. ەگەر ءماسليحاتتاردىڭ وكىلەتتىكتەرى كۇشەيتىلسە، ولار بيلىكتىڭ تولىققاندى تارماعىنا اينالا الادى دەپ ەسەپتەيدى.
ەسكە سالا كەتەيىك، پرەزيدەنت قاسىم-جومارت توقاەۆ جولداۋىندا سەناتتى تاراتىپ، قازاقستاندى ءبىر پالاتالى پارلامەنتكە كوشىرۋ باستاماسىن كوتەرگەن ەدى.
