پرەزيدەنت قاسىم-جومارت توقاەۆ جولداۋىندا ەلىمىزدەگى بوس جۇمىس ورىندارىنىڭ ءبىر بولىگىن شەتەلدەن كەلگەن جۇمىسشىلار تولىرىپ وتىرعانىن ايتتى، دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.
مەملەكەت باسشىسىنىڭ ايتۋىنشا، قازاقستانعا كاسىبي دايارلىعى جوعارى، بىلىكتى جۇمىسشىلار اسا قاجەت. سوندىقتان 2025 جىل «جۇمىسشى ماماندىقتارى جىلى» دەپ جاريالانعان ەدى.
پرەزيدەنتتىڭ سوزىنشە، قازىر ەلىمىزدە مىڭداعان بوس جۇمىس ورنى بار. ولاردىڭ اراسىندا جالاقىسى ەداۋىر جوعارىسى دا كەزدەسەدى. دەگەنمەن، بۇل ورىنداردىڭ ءبىر بولىگىن شەتەلدەن كەلگەن جۇمىسشىلار تولتىرۋدا.
مەملەكەت جىل سايىن مىڭداعان ينجەنەر، قۇرىلىسشى جانە اۋىل شارۋاشىلىعى مامانىن دايارلاۋعا قارجى ءبولىپ وتىر. الايدا ولاردىڭ كوبى ماماندىعى بويىنشا جۇمىس ىستەمەي، تەز تابىس اكەلەتىن وزگە قىزمەت تۇرلەرىن تاڭدايدى.
توقاەۆ ادال ەڭبەكتىڭ جامانى جوق ەكەنىن ايتقانىمەن، ازاماتتاردىڭ ناقتى وندىرىستە جۇمىس ىستەۋى ەلگە دە، جەكە ادامعا دا ۇلكەن پايدا اكەلەتىنىن اتاپ ءوتتى.
مەملەكەت باسشىسى جۇمىسشى ماماندىقتارىنا دەگەن قۇرمەتتى ارتتىرۋ قاجەتتىگىن ايتتى.
«ولارعا لايىقتى جالاقى تولەۋ قاجەت. بۇل – مەملەكەتىمىزدىڭ الدىندا تۇرعان نەگىزگى مىندەتتىڭ ءبىرى»، – دەدى پرەزيدەنت.
