Protenge Telegram-كانالى 26 ملن تەڭگەگە 20 بلوگەرگە گرۋزيا، ارمەنيا، بەلارۋس، رەسەي، ۋكراينا، تۇركيا، كورەيا، ءباا جانە گونكونگتان ۇشۋ اقىسىن تولەيتىنىن حابارلادى.
بۇل قاراجاتقا بەس جۇلدىزدى قوناقۇيدە 5 كۇن تۇرۋعا، كۇنىنە ءۇش رەت تاماقتانۋمەن قاتار مەدەۋ، كوك توبە جانە جاسىل بازارعا بارۋ شارالارى دا كىرەدى ەكەن. بلوگەرلەرگە ۇلتتىق تاعامداردى دايىنداۋ بويىنشا ماستەر-كلاسس وتكىزىلىپ، ۇشۋ الدىندا ەستەلىك سىيلىقتار تابىس ەتىلەدى.
بلوگ-تۋردا ميلليوننان استام ادامدى قامتيتىن 40 شەتەلدىك ترەۆەل-بلوگەرلەر مەن مەديا-پەرسونالار بولادى، سونداي-اق 50 مىڭ جازىلۋشىسى بار ميكرو-ينفليۋەنسەرلەر جۇمىس جاسايدى دەپ جاتىر. باسقارمادا شەتەلدىك بلوگەرلەرمەن جۇمىس ىستەۋ قازاقستان مەن الماتىعا كەلگىسى كەلەتىن تۋريستەر سانىن ارتتىرادى دەپ جوسپارلانۋدا.
"الماتى قالاسىنىڭ تۋريستىك اقپاراتتىق ورتالىعى" جشس 26 ملن تەڭگەگە 20 ادامنان ەكى بلوگ-تۋر ۇيىمداستىرۋدى جوسپارلاپ وتىر. وعان گرۋزيا، ارمەنيا، بەلارۋس، رەسەي، ۋكراينا، تۇركيا، كورەيا، ءباا، گونكونگتان كەلگەن بلوگەرلەر مەن جۋرناليستەر قاتىسادى.
"بلوگ-تۋر باعدارلاماسى قازاقستاننىڭ تاريحى مەن مادەنيەتىن اشاتىن تانىمال تابيعي جانە قالالىق كورىكتى جەرلەردى قامتيدى", - دەلىنگەن حابارلامادا.
"ادىرنا" ۇلتتىق پورتالى
