الماتىداعى “شىمبۇلاق” تاۋ-شاڭعى كۋرورتىندا 3200 مەتر بيىكتىكتە “كومبي-2” اسپالى جولى توقتاپ قالدى، دەپ حابارلايدى “ادىرنا” ۇلتتىق پورتالى.
قۇتقارۋشىلار مەن كۋرورت قىزمەتكەرلەرى كابينالاردان 21 ادامدى الپينيستىك قۇرالدارمەن ءتۇسىرىپ، تاعى 100-دەن اسا قوناقتى تالعار اسۋىنان تومەن جەتكىزدى.
كۋرورتتىڭ ءباسپاسوز قىزمەتىنىڭ حابارلاۋىنشا، اپات 12:26-دا تىركەلگەن. الدىمەن رەزەرۆتىك قوزعالتقىش ىسكە قوسىلىپ، قوناقتار ورتاڭعى ستانتسياعا جەتكىزىلدى. كەيىن جوندەۋ ۇزاققا سوزىلاتىن بولعاندىقتان، ەۆاكۋاتسيا الپينيستىك ادىسپەن جۇرگىزىلدى.
14:54-تە بارلىق قوناقتار ءساتتى قۇتقارىلدى. زارداپ شەككەندەر جوق. قازىر “كومبي-2” اسپالى جولى ۋاقىتشا ىستەمەيدى، جوندەۋ جۇمىستارى جالعاسىپ جاتىر.
ۇقساس جاڭالىقتار
