Almatydaǧy “Şymbūlaq” tau-şaŋǧy kurortynda 3200 metr biıktıkte “Kombi-2” aspaly joly toqtap qaldy, dep habarlaidy “Adyrna” ūlttyq portaly.
Qūtqaruşylar men kurort qyzmetkerlerı kabinalardan 21 adamdy alpinistık qūraldarmen tüsırıp, taǧy 100-den asa qonaqty Talǧar asuynan tömen jetkızdı.
Kurorttyŋ baspasöz qyzmetınıŋ habarlauynşa, apat 12:26-da tırkelgen. Aldymen rezervtık qozǧaltqyş ıske qosylyp, qonaqtar ortaŋǧy stansiiaǧa jetkızıldı. Keiın jöndeu ūzaqqa sozylatyn bolǧandyqtan, evakuasiia alpinistık ädıspen jürgızıldı.
14:54-te barlyq qonaqtar sättı qūtqaryldy. Zardap şekkender joq. Qazır “Kombi-2” aspaly joly uaqytşa ıstemeidı, jöndeu jūmystary jalǧasyp jatyr.
Ūqsas jaŋalyqtar
"Aqşa bermeseŋ tepkıleidı": Almatyda äskerge sau ketken sarbaz psihiatriialyq auruhanadan bır-aq şyqty