Prezident Qasym-Jomart Toqaev Joldauynda elımızdegı bos jūmys oryndarynyŋ bır bölıgın şetelden kelgen jūmysşylar tolyryp otyrǧanyn aitty, dep habarlaidy "Adyrna" ūlttyq portaly Aqordaǧa sılteme jasap.
Memleket basşysynyŋ aituynşa, Qazaqstanǧa käsıbi daiarlyǧy joǧary, bılıktı jūmysşylar asa qajet. Sondyqtan 2025 jyl «Jūmysşy mamandyqtary jyly» dep jariialanǧan edı.
Prezidenttıŋ sözınşe, qazır elımızde myŋdaǧan bos jūmys orny bar. Olardyŋ arasynda jalaqysy edäuır joǧarysy da kezdesedı. Degenmen, būl oryndardyŋ bır bölıgın şetelden kelgen jūmysşylar toltyruda.
Memleket jyl saiyn myŋdaǧan injener, qūrylysşy jäne auyl şaruaşylyǧy mamanyn daiarlauǧa qarjy bölıp otyr. Alaida olardyŋ köbı mamandyǧy boiynşa jūmys ıstemei, tez tabys äkeletın özge qyzmet türlerın taŋdaidy.
Toqaev adal eŋbektıŋ jamany joq ekenın aitqanymen, azamattardyŋ naqty öndırıste jūmys ısteuı elge de, jeke adamǧa da ülken paida äkeletının atap öttı.
Memleket basşysy jūmysşy mamandyqtaryna degen qūrmettı arttyru qajettıgın aitty.
«Olarǧa laiyqty jalaqy töleu qajet. Būl – memleketımızdıŋ aldynda tūrǧan negızgı mındettıŋ bırı», – dedı Prezident.
