Taıvan koronavırýstyń omıkron shtamyn Almatydan ákeldi dep jarııalasa, Qazaqstanda osy ýaqytqa deıin bul shtamm nege anyqtalmady?
Bul saýalǵa qalalyq sanıtarlyq-epıdemıologııalyq baqylaý basqarmasy basshysynyń orynbasary Sádýaqas Baıǵabylov onlaın brıfıng barysynda jaýap berdi, - dep habarlaıdy “Adyrna” ulttyq portaly Tengrinews.kz saıtyna silteme jasap.
"Bizde shtamdardyń genomdyq sekvenırlenýi jalǵasyp jatyr. Almatyda júrgizilgen zertteý nátıjeleri boıynsha omıkron shtamy anyqtalmady, úlgiler Nur-Sultannyń zerthanalaryna jiberildi. Habarlamada juqtyrǵandardyń Ońtústik Koreıa arqyly ushqany aıtalady. Demek, olardy Almatyda aýyrý juqtyrdy, Qazaqstannan alyp keldi deýge eshqandaı negiz joq. Bul úshin atalǵan eldiń áriptesteri tranzıttik el arqyly ushyp kelgenderin eskere otyryp, tergeý júrgizýi qajet", - dedi Baıǵabylov.
”Adyrna” ulttyq portaly
