بقو اكىمى ناريمان تورەعاليەۆتىڭ توراعالىعىمەن پرەزيدەنت جولداۋىن جۇزەگە اسىرۋ جونىندەگى كەڭەستىڭ وتىرىسى ءوتتى. وندا ماڭىزدى قۇجاتتا بەرىلگەن مىندەتتەردى ىسكە اسىرۋ بارىسى تالقىلاندى.
– كۇنى كەشە مەملەكەت باسشىسى قاسىم-جومارت كەمەلۇلى توقاەۆ قازاق-ستان حالقىنا «جاساندى ينتەللەكت داۋىرىندەگى قازاق-ستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى جولداۋىن جاريالادى. جولداۋدا ەلىمىزدى الەۋمەتتىك-ەكونوميكالىق، تسيفرلىق دامىتۋدىڭ باسىم باعىتتارىن بەلگىلەپ، بىرقاتار ماڭىزدى تاپسىرمالار بەردى. اتاپ ايتقاندا، وڭىرلەرگە قوماقتى جەكە ينۆەستيتسيا تارتۋ، وڭدەۋ ونەركاسىبى مەن اۋىل شارۋاشىلىعىنىڭ دامۋىنا جاڭا سەرپىن بەرۋ، كولىك-لوگيستيكانى دامىتۋ، تۇرعىن ءۇي-كوممۋنالدىق شارۋاشىلىعى مەن سۋ ينراقۇرىلىمىن جاڭعىرتۋ، تسيفرلىق تەحنولوگيالاردى ەنگىزۋ جانە تاعى باسقالارى بار.
جولداۋداعى ماڭىزدى ماسەلەلەردىڭ ءبىرى – ينۆەستيتسيالىق ساياساتتى قايتا قاراستىرۋ. پرەزيدەنت تاپسىرماسىنا سايكەس ينۆەستيتسيانىڭ نەگىزگى بولىگى شيكىزات سالاسىنا ەمەس، وڭدەۋ ونەركاسىبىنە، شاعىن جانە ورتا بيزنەسكە، جوعارى تەحنولوگيالىق جوبالارعا باعىتتالۋى قاجەت. وبلىستا ينۆەستيتسيا تارتۋ باعىتىندا اۋقىمدى جۇمىستار اتقارىلۋدا. بىلتىر ينۆەستيتسيالار كولەمى 749,9 ملرد تەڭگەگە جەتىپ، ونىڭ 72,6%-ىن نەمەسە 571,5 ملرد تەڭگەسىن جەكە ينۆەستيتسيالار قۇرادى. الداعى 5 جىلدا 2,2 ترلن تەڭگەگە 73 ءىرى ينۆەستيتسيالىق جوبانى جۇزەگە اسىرۋ كوزدەلىپ وتىر. سوندىقتان ءبىزدىڭ وبلىس ءالى دە ينۆەستورلار ءۇشىن قولايلى جاعداي قالىپتاستىرۋعا، جاڭا ءوندىرىس ورىندارىن اشۋعا جانە يننوۆاتسيالىق جوبالاردى قولداۋعا دايىن. جاڭا تەحنولوگيانى، سونىڭ ىشىندە جاساندى ينتەللەكتتى ەنگىزۋ ەلىمىزدىڭ دامۋىندا ماڭىزدى ءرول اتقارادى. مەملەكەت باسشىسى جولداۋدا ۇكىمەت پەن جەرگىلىكتى اتقارۋشى قۇرىلىمدار جۇمىسىنىڭ باستى باعىتتارىن ايقىنداپ، الدىمىزعا جاڭا مىندەتتەر قويدى. جۇكتەلگەن مىندەتتەردى ورىنداۋ – بارىمىزگە ورتاق ءىس، – دەگەن ءوڭىر باسشىسى ناريمان تورەعاليۇلى ءسوز كەزەگىن بايانداماشىلارعا بەردى.
تەحنولوگيالار جانە جاساندى ينتەللەكت» ءپانى ەنگىزىلگەن.
ستۋدەنتتەرى AI-Sana باعدارلاماسى اياسىندا بەس جي-اگەنت ازىرلەۋدە.
– ۋنيۆەرسيتەتتە جاساندى ينتەللەكتكە قوسىلعان FACE ID تسيفرلىق جۇيەسى ەنگىزىلۋدە. بۇل جۇيە ناقتى ۋاقىت رەجىمىندە مونيتورينگ جۇرگىزۋگە، قاۋىپسىز ورتا قالىپتاستىرۋعا، ءبىلىم الۋشىلاردىڭ، وقىتۋشىلاردىڭ جانە قىزمەتكەرلەردىڭ وقۋ مەن قىزمەتكە بارۋ ءتارتىبىن جاقسارتۋعا مۇمكىندىك بەرەدى. جاساندى ينتەللەكتىنى ەنگىزۋ جانە تسيفرلىق ترانسفورماتسياعا باعىتتالعان بۇل ءىس-شارالار مەملەكەت باسشىسىنىڭ جولداۋىندا ايتىلعان مىندەتتەردى جۇزەگە اسىرۋداعى ۋنيۆەرسيتەتتىڭ العاشقى قادامدارىن ايقىندايدى، – دەدى رەكتور. ءوڭىر باسشىسى ناريمان تورەعاليەۆ تسيفرلىق تەحنولوگيالار باسقارماسىنىڭ باسشىسى نۇرعيسا قاماشەۆقا ۋنيۆەرسيتەتتەرمەن بىرلەسىپ، وقۋ ورىندارىندا وسى تسيفرلىق جۇيەنى قولدانىسقا ەنگىزۋ جولىن قاراستىرۋدى تاپسىردى.
كەڭەس وتىرىسىندا سونداي-اق وبلىستىق كاسىپكەرلەر پالاتاسى ديرەكتورىنىڭ ورىنباسارى ەلميرا وتەشوۆا، «اگروسەرۆيس-باتىس» جشس ديرەكتورى ارمات بيسەنوۆ، «قازسۋشار» رمك بقو فيليالىنىڭ ديرەكتورى راۋان قۇسايىنوۆ ءسوز سويلەدى. ءوڭىر باسشىسى پرەزيدەنتتىڭ جولداۋىن جۇزەگە اسىرۋ بويىنشا ورىنباسارلارىنا، باسقارمالار مەن قۇزىرلى مەكەمەلەر باسشىلارىنا تاپسىرمالار بەردى. ماسەلەن، وبلىس ەكونوميكاسىنىڭ باسىم سالالارىنا شەتەلدىك تىكەلەي ينۆەستيتسيالار تارتۋ كەرەك. يندۋستريالىق ايماقتىڭ قازىرگى جاعدايىنا تالداۋ جۇرگىزىلىپ، ءتۇيىندى ماسەلەلەردى شەشۋ جولدارى ۇسىنىلۋى ءتيىس. ەلدى مەكەندەردى، ونىڭ ىشىندە شەكارا ماڭىنداعى اۋتوكولىك وتكىزۋ پۋنكتتەرىن داۋىستىق بايلانىس جانە ءموبيلدى ينتەرنەتپەن قامتاماسىز ەتۋ ءۇشىن بايلانىس وپەراتورلارىنا انتەننا-دىڭگەك قۇرىلعىسىن سالۋعا كەزەڭ-كەزەڭىمەن قاراجات ءبولىنۋى قاجەت. وبلىس بويىنشا 2025-2027 جىلدارعا ارنالعان اگورونەركاسىپ كەشەنىندەگى ينۆەستيتسيالىق جوبالاردى ىسكە اسىرۋ جونىندەگى جول كارتاسى اياسىندا جوبالاردىڭ ىسكە اسىرىلۋىنا مونيتورينگ جۇرگىزىلىپ، ولاردى كەشەندى قولداۋ شارالارى قابىلدانباق.
ياسيپا راباەۆا
«ورال ءوڭىرى»
