استاناعا كونتسەرت قويۋعا كەلگەن اتى Backstreet Boys توبى «تازا قازاقستان» ەكولوگيالىق ايلىعى اياسىندا سەنبىلىككە قاتىسىپ، بەيبىتشىلىك پەن كەلىسىم ساياباعىندا اعاش وتىرعىزدى. بۇل تۋرالى ەلوردا اكىمدىگى رەسمي سايتى جاريالادى، دەپ حابارلايدى “ادىرنا”.
بەيبىتشىلىك پەن كەلىسىم ساياباعى – كونفەسسياارالىق جانە مادەنيەتارالىق ديالوگتى نىعايتۋعا ارنالعان بىرەگەي كەڭىستىك. مۇندا «جۇلدىزدى اسپان» تۋننەلى، ء«ومىر اعاشى» ەسكەرتكىشى مەن ساتىلى سارقىراما ورنالاسقان.
«تازا قازاقستان. استانا – تازالىق پەن ءتارتىپتىڭ ۇلگىسى» ەكولوگيالىق ايلىعى اياسىندا بۇل جەردە ەرەكشە ءىس-شارا بولدى: ايگىلى Backstreet Boys توبى ەلوردالىقتارمەن بىرگە اعاش وتىرعىزۋعا قاتىستى. مۋزىكانتتار ەكولوگيالىق باستامانى جىلى قابىلداپ، جاسىل قالا قۇرۋ ىسىنە ءوز ۇلەسىن قوسۋعا قۋانا كەلىسىم بەردى»، - دەپ جازىلعان حابارلامادا.
سوليست برايان ليتترەلل ءوزىنىڭ Instagram پاراقشاسىندا قازاقستاننان العان اسەرىن ءبولىسىپ، سۋرەتتەر جاريالادى.
كونتسەرت 21 قىركۇيەكتە وتەدى، قازاقستاننىڭ استاناسىنا الەمنىڭ تۇكپىر-تۇكپىرىنەن ونداعان مىڭ جانكۇيەر كەلەدى دەپ جوسپارلانىپ وتىر.
