قاراعاندىدا تۋعان اكەسىنىڭ قازاسى جايلى حابار العان ساتتە كولىگىمەن قارسى جولعا شىعىپ كەتكەن ايەلدىڭ ىسىنە قاتىستى سوت ۇكىمى وزگەرتىلدى، دەپ حابارلايدى "ادىرنا" ۇلتتىق پورتالى.
مالىمەتكە سۇيەنسەك، قاراعاندى قالاسىنىڭ تۇرعىنى Volkswagen كولىگىن باسقارىپ كەلە جاتىپ، تاتتىمبەت كوشەسىندە جول بەلگىسىن ساقتاماي، قارسى باعىتقا ءوتىپ كەتكەن. ايەل سوتتا سول ساتتە اپكەسىنەن اكەسىنىڭ قايتىس بولعانىن ەستىگەنىن، ابدىراپ، كولىكتىڭ سول جاق دوڭگەلەكتەرىمەن جول سىزىعىن باسىپ كەتكەنىن، بىراق كەيىن قايتا ءوز جولاعىنا تۇسكەنىن ءتۇسىندىردى. ول اكەسىنىڭ ءولىمى تۋرالى كۋالىكتى دە ۇسىنعان.
سوت ۆيدەوجازبانى زەرتتەپ، كولىكتىڭ قارسى جولعا شىعىپ كەتكەنىن، بىراق بىردەن ءوز باعىتىنا ورالعانىن انىقتادى. ايەلدىڭ ارەكەتىندە ادەيى قارسى جولعا شىعۋ نيەتى بولماعانى ەسكەرىلىپ، ءىستىڭ بابى وزگەرتىلدى.
ناتيجەسىندە ونىڭ ارەكەتى قر اقبتك-ءنىڭ 596-بابى 3-بولىگى ەمەس، 601-بابى 1-بولىگى بويىنشا (“جول سىزىقتارىنىڭ تالاپتارىن ساقتاماۋ”) سارالاندى. 9 قىركۇيەكتە شىققان سوت قاۋلىسىمەن ايەلگە 3 اەك كولەمىندە (11 796 تەڭگە) ايىپپۇل سالىندى. قاۋلى ءالى زاڭدى كۇشىنە ەنگەن جوق.
